JÉSUS-CHRIST I DYASIN FE'N BO LUC KLELI'N 24:47 - Nyanmien nde Ufle

⁴⁷ Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

NYANMIƐN NDƐ'N 1998

⁴⁷ Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

JÉSUS-CHRIST I DYASIN FE'N BO LUC KLELI'N 24:47 ပူးပေါင်းရင်းမြစ်များ

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 9:13

Anh wo kô bu nde nga bé kan sé ke: «Bé wun aunnvue sile'n yô n fe tra n sole'n» i akunndan, amunh wunh i wle, afin man ba'a nanwlefue'm bé flele, sannge sa tete yôfue mun ye m baa bé fleleo.

JÉSUS-CHRIST I DYASIN FE'N BO LUC KLELI'N 13:34

Oô Jérusalem! Jérusalemfue mun bo an kun Nyanmien nuan idyofue mun'n, bo an fin bé nga bé sunman bé amun sin'n bé yebue'n, ble sunman n klô ke nh fleh amun mma mun, ke ako ta kun fle i mma mun o utu bé su'n sa, sannge amuan kpli'an su!

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 20:21

N kan kléé Juif nin Grec mun ke bé yatyi nyin kéklé yôle'n Nyanmien su nan bé nyin yii, ye bé lafi é Min Jésus su.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Sa nga bé yôli'n 26:20

N dun mmua kan nde kléé Damasfue mun, i sin Jérusalemfue mun, ye Judée men wunmuan'n nun, ye bé nga bé ti'a Juif'n ke bé katyi bé nzuen'n, nan bé sa bé sin Nyanmien wun, ye bé yô sa b'o klé ke ba katyi bé nzuen'n.

Sa nga bé yôli'n 28:28

I so'n ti, man amun si ke Nyanmien i swran'm bé ti déle nga bé fa man bé bo bé ti'a Juif'n, bé lie'n, bé wa fa su.

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

Sa nga bé yôli'n 4:12

I kunngba tye ye o kwla dé swraan, yele ke Nyanmien a sié'a swran ufle fi men'n nun wa bo i dunman nun é kwla fité nuon.

Sa nga bé yôli'n 5:31

Nyanmien fe siéé i fama su ke o yô é Atin Kléfue nin é Ti Défue, o man Israël'm bé kwla katyi bé nzuen'n, nan Nyanmien yatyi sa nga bé yôlii'n tye bé.

Rɔmfuɛ Mun 5:20

Ke o yô nan sa tete'n wa son'n, i ti ye mmla'n wa kpen afien leo, sannge lika nga bé yô sa tete kpanngban le'n, le ye Nyanmien i aklunyé'n i nyin fité daan.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

1 Jean 2:12

M mma mun, nh kleh fluwa nga ble amun, yele ke Christ ti, Nyanmien a yatyi sa nga an yôlii'n wa tye amun.