JÉSUS-CHRIST I DYASIN FE'N BO LUC KLELI'N 23:5 - Nyanmien nde Ufle

⁵ Sannge bé dyraan su kéklé kpa, bé sé ke: Ke oh kléh swran'm bé liké'n, o wlawla bé. O bôô i bô Galilée lo, o sin Judée men wunmuan'n nun, lélé o fa dyu wa.

NYANMIƐN NDƐ'N 1998

⁵ Sanngɛ be jrannin su kekle kpa, be seli kɛ: «Kɛ ɔ ´kle sran'm be like'n, ɔ wlawla be. Ɔ boli i bo Galile lɔ, ɔ sinnin Zide mɛn wunmuan'n nun lele ɔ'a fa ju wa.»

JÉSUS-CHRIST I DYASIN FE'N BO LUC KLELI'N 23:5 ပူးပေါင်းရင်းမြစ်များ

Matthieu 11:1

Ke Jésus nin i sonnzonfue blu-nin-nnyon'n bé di ngalie so'n wiéli'n, o tu i bô le oo bé klo'm bé su liké kléle nin nde kanle.

Matthieu 2:1

Bé wuu Jésus Bethléhem Judée men'n nun famien Hérode ble su. Men nun sa sifue wié'm bé fin wia afilie bé baa Jérusalem le,

Matthieu 27:24

Ke Pilate wuun ke o su kwla yô'a sa fi bo alôwa'n yô dan tra su'n, o fa nzué wunnziin i sa swran'm bé nyrun le, o sé ke: Swran nanwlefue nga i kunle'n, n lie nu'an nun, amun bobo amun ndeo.

Matthieu 4:23

Jésus wlanwlan Galilée akpasua'n kwlaa su, o klé liké Nyanmien sua'm bé nun, o kan Nyanmien i siéle'n i dyasin fe'n klé bé, ye o wié tukpatye kwlaa b'o ô swran'm bé wun'n nin bé wunnen ya'n kwlaa.

Marc 1:14

Ke bé wlaa Jean bisua'n, i sin Jésus oo Galilée men'n nun. O kan Nyanmien i dyasin fe'n,

JÉSUS-CHRIST I DYASIN FE'N BO LUC KLELI'N 11:53

Ke o fin le fitéli'n, mmla kléfue nin Pharisifue'm bé wa mien kéklé kpa ke o kan liké kpanngban nde klé bé.

JÉSUS-CHRIST I DYASIN FE'N BO LUC KLELI'N 23:23

Sannge bé dyraan su kpa, bé kpan sé ke o bôbôé. Bé kpan lélé o wa bé lie'n su.

JÉSUS-CHRIST I DYASIN FE'N BO LUC KLELI'N 23:6

Ke Pilate tii i so'n, o usali se o ti Galiléefue ô.

Jean 1:43

Ke i alie tyeen ékun'n, Jésus waan oh koh Galilée men'n nun, nan wa wun Philippe, o sé i ke: Bla'a su n su.

Jean 19:15

Sannge bé kpan sé ke: Bé kuin! Bôbôé waka'n su! Pilate usa bé ke: ?M bôbô amun famien'n? Nyanmien nyrun dyranfue dandan'm bé sé ke: É le'a famien ufle fi san César kunngba tye.

Jean 2:11

Sa so'n yôô Cana Galilée men'n nun. Ye o ti atre bo Jésus yii bé'n bé nun kliklio. O yili i wun nglô, nan i sonnzonfue'm ba lafi i su.

Jean 7:41

Wié'm bé kusu bé waan: Bian nga ye o ti Christ (*f1*) nion. Ye wié'm bé usa ke: ?Ai, Galilée ye Christ'n fion?

Jean 7:52

Bé sé i ke: ?O kusu, a ti Galiléefue? Kanngan Nyanmien Nde nga bé kleli'n nian, ah wunh ke Nyanmien nuan idyofue fi fi'an Galilée.

Sa nga bé yôli'n 10:37

An si sa ng'o yôô Galilée men'n nun b'o truu Judée men wunmuan'n nun'n. Ke Jean kan baptême yôle nde'n wiéli'n,

Sa nga bé yôli'n 23:10

Ke ndengan'n yôô dan'n, sre kuun sôndya akpi sukpen'n, o bu i ke bé wa titi Paul nun, i so'n ti, o man sôndya'm bé dyra bé kô yii bé afien le bé fe fuu bé nglô sua'n su lo.

Sa nga bé yôli'n 5:33

Ke bé tii nde so'n, ya kuun bé dan kpa, i so'n ti, bé waan bé kun bé.

Sa nga bé yôli'n 7:54

Ke bé tii nde so'n, bé faa ya dan kpa, bé trili.

Sa nga bé yôli'n 7:57

I so'n ti, bé tannin bé su'n bé kpan kéklé kpa, ye bé kwlaa bé too i su,