JÉSUS-CHRIST I DYASIN FE'N BO LUC KLELI'N 21:8 - Nyanmien nde Ufle

⁸ Ye o sé bé ke: Anh sasa amun wun, nanh man bé laka amun, afin swran kpanngban bé wa fa n dunman'n béh séh ke bé ye bé ti Christ nion, ye béh séh ke, ble'n wa mantan. Nanh an fa su.

NYANMIƐN NDƐ'N 1998

⁸ Yɛ ɔ seli be kɛ: «An `sasa amún wun, nán man be laka amun, afin sran kpanngban be wa fa n dunman'n be ´se kɛ be yɛ be ti Krist nin-ɔn, yɛ be ´se kɛ blɛ'n ɔ'a mantan. Nán an fa su.

JÉSUS-CHRIST I DYASIN FE'N BO LUC KLELI'N 21:8 ပူးပေါင်းရင်းမြစ်များ

Matthieu 24:11

Swran kpanngban bo bé ton bé wun suen ke bé ti Nyanmien nuan idyofue'n, bé wa dyaô laka swran kpanngban.

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 4:17

Ke o fin le'n, Jésus bôô Nyanmien nde kanle'n bô, o sé ke: Anh katyi amun nzuen'n, afin Nyanmien i siéle ble'n wa mantan.

JÉSUS-CHRIST I DYASIN FE'N BO LUC KLELI'N 17:23

Bé wa sé amun ke: N wô wa, n wô lé sa. Nanh an wanndi wo n kunndele.

JÉSUS-CHRIST I DYASIN FE'N BO LUC KLELI'N 21:7

Bé use i ke: ?Ndya, ble ônin ye sa so'm béh yôoh? ?Ye liké ônin ye o klé ke sa so'm bé su wa yôo?

JÉSUS-CHRIST I DYASIN FE'N BO LUC KLELI'N 21:9

Ke amunh tih ale nin kpenngben'm bé wun dyaôle nde'n, nanh sre kun amun, afin kannze o yô se… san sa so'm béh yôh, sannge men'n su ka'a le wiéman.

Jean 5:43

N Si ye man m balio, ye an so'a min nun. Sannge se swran wié bô i bobo i ti nun ba'n, amunh soh i nun!

Jean 8:24

I so'n ti ye n séé amun ke amun sa te'n kah amun wun, amunh wuh nion, afin se an lafi'a swran wafa nga n ti'n su'n, amun sa te'n kah amun wun amunh wuh.

Jean 8:28

I so'n ti, o sé bé ke: Tyen nga an man m bo n katyii Swran'n su su'n, i tyen so'n nun ye amunh sih n wafa nga n ti nion. Ye amunh sih ke m bobo n kpe'a n klun n yô'a liké fi, san nde nga n Si kan klé min'n ye n kaan.

1 Korɛntfuɛ Mun 6:9

?An si'a ke sa tete yôfue'm bé su yô'a men nga Nyanmien siéé'n i nunfue mlonmlon? Nanh an laka amun wun, afin bla annze bian kunndefue, nin amuen sofue, nin yasua b'o kunnde bla i yi bô annze bla b'o kunnde bian i wun bô'n, nin yasua b'o kunnde i wiéngu yasua'n,

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

2 Tɛsalonikfuɛ Mun 2:3

Nanh man swran fi laka amun sa fi su. Afin san swran'm béh dyaôh Nyanmien wun, ye bian b'o di'a mmla'n su bo bé sié ke o mlin'n, oh yih i wun nglô, nan tyen so'n wa dyu.

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

2 Jean 1:7

Afin swran kpanngban ba sanndi men'n nun, bé laka swran mun, bé waan, Jésus-Christ a katyi'a swran. Swran ng'o sé so'n ye o ti swran lakafue nin Christ kpofue nion.

Sa nglô yile 1:3

Swran ng'o kanngan nde so'n, nin bé nga bé ti sa nga bé wa yô'n bé nde'n, bo bé fa su'n, bé lie su ti yé! Afin liké so'n kwlaa bé ble'n wa mantan.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.