JÉSUS-CHRIST I DYASIN FE'N BO LUC KLELI'N 21:24 - Nyanmien nde Ufle

²⁴ Béh fah kaka kun bé, béh trah bé lômuen ko nvlé'n kwlaa nun, bé bo bé ti'a Juif'n, béh satyih Jérusalem, lélé san bé ble lie'n i nuan dyuh.

NYANMIƐN NDƐ'N 1998

²⁴ Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

JÉSUS-CHRIST I DYASIN FE'N BO LUC KLELI'N 21:24 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 21:25

Bé wa wun liké wié wia'n nin anglô'n, nin nzraama'm bé su, awlabôe'n yôh dan nvlé'm bé nun, dyénvié'n i bôle b'oh bôh b'oh teh'n ti, o man swran'm bé su si'a sa nga béh fah yô bé wuon.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Hébreu 11:34

bé nuan sin srôésrôé, bé flô bé nga bé waan béh fah kaka kun bé'n bé sa nun. Bé nga bé le'a wunmien'n bé nyan fanngan, bé yô yakpa ale nun, bé fuan nvlé wié'm bé sôndya mun.

Sa nglô yile 11:2

Sannge yatyi Nyanmien sua dan'n i awlô klun'n le, nanh sunnzun. Afin bé fa maan bé nga bé ti'a Juif'n, béh wlanwlanh Nyanmien klo'n su anglô ablanan-nin-nnyon, béh satyiih.