JÉSUS-CHRIST I DYASIN FE'N BO LUC KLELI'N 2:14 - Nyanmien nde Ufle

¹⁴ Man Nyanmien manmale'n te nyanmien su lo, Ye man swran bo Nyanmien klun dyo bé wun asie'n su wa'n, bé wun dyo bé.

NYANMIƐN NDƐ'N 1998

¹⁴ «Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

JÉSUS-CHRIST I DYASIN FE'N BO LUC KLELI'N 2:14 ပူးပေါင်းရင်းမြစ်များ

Matthieu 21:9

Swran nga bé dun mmua Jésus nyrun'n o nin bé nga bé su i su'n, bé kpa sé ke: Hosanna David Anunman! «Swran ng'o ba é Min Nyanmien dunman nun'n mon o nyan nguan!» Man Hosanna'n te nyanmien su lo!

JÉSUS-CHRIST I DYASIN FE'N BO LUC KLELI'N 1:79

«Nan oh kpadyah bé bo bé ô aôsin'n nun nin wié i fonvo nun'n, bé su,» Ye oh kléh é atin nga é sin suo éh dih aladyé'n.

JÉSUS-CHRIST I DYASIN FE'N BO LUC KLELI'N 19:38

Bé sé ke: «Famien ng'o ba é Min Nyanmien dunman nun'n, mon o nyan nguan!» Aladyé ô Nyanmien lika lo. Man Nyanmien manmanle'n te nyanmien su lo!

JÉSUS-CHRIST I DYASIN FE'N BO LUC KLELI'N 2:13

Kpekuun nyanmien su lo swran akpi-ngbingbi'n bé nun akpasua dan kun bé wa ukaa ange kun'n su, bé manman Nyanmien sé ke:

JÉSUS-CHRIST I DYASIN FE'N BO LUC KLELI'N 2:15

Ke ange'm bé nin bé ti nun bo bé oo nyanmien su lo'n, bua sunianfue'm bé séé bé wiéngu ke: Man é wo Bethléhem lo trélélé, o é kô nian sa ng'o yô lo bo é Min Nyanmien'n kan kléé yé'n.

JÉSUS-CHRIST I DYASIN FE'N BO LUC KLELI'N 3:22

ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Jean 14:27

M man amun wun dyoh amun fouun, ye amunh dih aladyé ke min sa. Aladyé nga men nunfue'm bé yra bé nuan ke swran di'n, o nin n lie'n ti'a kun. Nanh amun wla bô, nanh sre kun amun.

Jean 17:4

M man a nyaan komin asie'n su wa, ye dyunman nga a maan n ke n di'n, n wiéli i di.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Sa nga bé yôli'n 10:36

O fe i nde'n blee Israël mma mun, ye o kan aladyé bo bé wa nyen Jésus-Christ b'o ti swran'n kwlaa bé Min'n i ti'n i nde kléé bé.

Rɔmfuɛ Mun 5:1

I so'n ti, Nyanmien a bu é swran kpa i su bo é lafi'n ti, o man sien'n é Min Jésus-Christ ti, é nin i é afien a se.

Efɛzfuɛ Mun 1:6

nan ya bô i dunman yé dan b'o fe i awlen su Ba'n yôô yé'n ti.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 2:4

Sannge Nyanmien ti aunnvue sifue dan, o man ke é te ti ke swran bo wa wu sa i nyrun'n, klôle b'o fa klô yé'n ti, o maan é nin Christ é nguan. Yé bo Nyanmien yôô amun'n ti o man amuan nyan amun ti.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Filipfuɛ Mun 2:11

ye o fité bé kwlaa bé nuan ke Jésus-Christ ti bé Min, nan é Si Nyanmien'n nyan nyrun.

Filipfuɛ Mun 2:13

Afin Nyanmien bobo ye o man i klun sa yôle'n yô amun fe, ye man an kwla yôo.

Kolɔsfuɛ Mun 1:20

ye o siésié i nin ninngé'n kwlaa bé afien. Ke o wuu waka'n su'n, Nyanmien siésié sa kwlaa ng'o ô i nin liké kwlaa nga bé ô asie'n su wa nin nyanmien su lo'n bé afien, o man o wiéli.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

Sa nglô yile 5:13

Ye n tii liké kwlaa bo Nyanmien yii bé'n bo bé ô nyanmien su lo, bo bé ô asie'n su, bo bé ô asie'n bô lo, bo bé ô dyénvié'n nun'n, bé kwlaa bé ngan, bé sé ke: Man é manman swran ng'o ti bia'n su'n nin Bua Gbanflen'n, é yi bé aye, é yeye bé, é sé ke bé ti kpli tititi.