JÉSUS-CHRIST I DYASIN FE'N BO LUC KLELI'N 17:6 - Nyanmien nde Ufle

⁶ Ye é Min'n sé bé ke: Se an lafi n su bo kaan b'o dyu ke moutarde (*f9*) mma sa'n, se an sé waka ng'o ô ye'n ke, o tu i bô wa kô dyran dyénvié'n nun'n, oh koh.

NYANMIƐN NDƐ'N 1998

⁶ Yɛ e Min'n seli be kɛ: «Sɛ an lafi Nyanmiɛn su bɔ kaan b'ɔ ju kɛ mutard mma sa'n, sɛ an se waka ng'ɔ o yɛ'n kɛ ɔ `tu i bo ko jran jenvie nun'n, ɔ ´kɔ.»

JÉSUS-CHRIST I DYASIN FE'N BO LUC KLELI'N 17:6 ပူးပေါင်းရင်းမြစ်များ

Matthieu 14:29

Ye Jésus sé i ke: Bla! Pierre fin alié'n nun fitéli, o nanti nzué'n su ke oh koh Jésus wun lo.

Matthieu 17:20

Jésus sé bé ke: N su bo an lafiman'n tio. Nanwle, se an lafi n su bo kaan b'o dyu ke moutarde (*f9*) mma sa'n, an kwla sé ôka ng'o ô ye'n ke: Tu o bô wa ko lé sa. Oh tuh i bô, ye sa fi nu'an le bo an su kwle'e i yôo.

Matthieu 21:21

Nanwle, se an lafi Nyanmien su bo amun awlen'n ti'a nnyonnyon'n, nanh ke liké nga n yôô aloma nga kunngba ye amunh yôoh, sannge se an sé ôka ng'o ô ye'n ke o tu i bô le o kô to dyénvié'n nun, oh koh.

Marc 4:31

O fa trô bo bé flee moutarde'n (*f9*), ke béh luah'n, o ti kaan tra ninngé mma kwlaa nga bé lua bé'n,

Marc 9:23

Ye Jésus sé i ke: A sé n ke, se n kwla yô'n… nian, swran ng'o lafi Nyanmien su'n o kwla sa'n kwlaa yô.

JÉSUS-CHRIST I DYASIN FE'N BO LUC KLELI'N 13:19

O fa moutarde (*f9*) mma bo swran kun fa lue i fié'n su'n, o fifi, o yô waka dan, anunman'm bé wa yô bé sua i sama'm bé su.

JÉSUS-CHRIST I DYASIN FE'N BO LUC KLELI'N 17:7

?Amun nun ônin ye se o le i swran kun se o di fié ô, se o ta nnen ô, ke o fin blô lo dyu le tye'n, o sé i ke, o bla'a tran asé di likéo?

JÉSUS-CHRIST I DYASIN FE'N BO LUC KLELI'N 19:4

O wanndi kô fuu waka bo bé flee sycomore'n su nan se o sion oh wuinh, afin le ye oh sionh.

JÉSUS-CHRIST I DYASIN FE'N BO LUC KLELI'N 7:13

Ke é Min'n wuun bla so'n, o yô i annvo, ye o séé i ke: Mmô, yakô, muon nuan!

JÉSUS-CHRIST I DYASIN FE'N BO LUC KLELI'N 7:19

Jean flee i sonnzonfue'm bé nun nnyon, o sunman bé é Min'n i wun lo ke bé kô use i ke, ?swran nga bé ken i nde ke oh bah'n yele i, annze swran so'n te ô sien?

1 Korɛntfuɛ Mun 13:2

Man n yô Nyanmien nuan idyofue, man n si sa nga Nyanmien fiee swran'm bé nyrun'n i ngba, ye man n wun sa'n kwlaa wle, ye se n lafi Nyanmien su kpa bobo b'o man n kwla sé ôka'm bé ke bé tu bé bô wo'n, sannge se n klô'a swran'n, wuun man yô'a liké fi.