JÉSUS-CHRIST I DYASIN FE'N BO LUC KLELI'N 16:9 - Nyanmien nde Ufle

⁹ I so'n ti, amun kusu anh fa amun sika b'o man nde swran'm bé di'a nanwle'n, anh fa tra swran'm bé dyanvue, nan tyen nga amun sa nun wié'n, ba so amun nun anannganman tranwle'n nun lo.

NYANMIƐN NDƐ'N 1998

⁹ I sɔ'n ti, amun kusu an `fa amun sika b'ɔ man ndɛ sran'm be di-man nanwlɛ'n, an `fa tra sran'm be janvuɛ nan cɛn nga amún sa nun wie'n, b'a sɔ amun nun anannganman tranwlɛ'n nun lɔ.

JÉSUS-CHRIST I DYASIN FE'N BO LUC KLELI'N 16:9 ပူးပေါင်းရင်းမြစ်များ

Matthieu 19:21

Ye Jésus waan: Se a klô ke ah wiéh i ngba su fa wéiin'n, kô yô o ninngé'm bé ate, fe i sika'n man yalefue mun, ye ah nyanh ninngé kpakpa nyanmien su lo. Nan bla'a su n su.

Matthieu 6:19

Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Matthieu 6:24

Swran kun min kwla yô'a nnyon, san oh kpoh kun, oh klôh kun, oh feh i wun mantan kun, ye oh yôh kun finfin. An kwla yô'a Nyanmien i swran, nan amun kunngba'n amuan yô sika'n i klôfue.

JÉSUS-CHRIST I DYASIN FE'N BO LUC KLELI'N 11:41

Se an fa amun klôwa nin talié nun ninngé fa tye yalefue amun klun-ufué su'n, o ti kpa, ye liké fi su yô'a fien amun nyrun kun.

JÉSUS-CHRIST I DYASIN FE'N BO LUC KLELI'N 12:33

Anh yô amun ninngé'm bé ate, anh fe i sika'n tye yalefue mun. Anh kpe betro b'o yôman nvuen bo liké wié'a nun'n, anh sié nyanmien su lo, lo lie'n, awiéfue ko'a lo, nvole di'a liké lo.

JÉSUS-CHRIST I DYASIN FE'N BO LUC KLELI'N 14:14

Se a yô so'n, Nyanmien wa yô o lie yé. Bé lie'n bé le'a liké nan ba yô wié a man o, Nyanmien bobo ye, ke swran kpa'm bé tyen'n, oh yôh o lie'n man o.

JÉSUS-CHRIST I DYASIN FE'N BO LUC KLELI'N 16:11

?I so'n ti, se amun di'a nanwle sika ng'o man nde swran'm bé di'a nanwle'n su'n, wan ye oh feh i liké kpa man amun ke an fa siéo?

JÉSUS-CHRIST I DYASIN FE'N BO LUC KLELI'N 16:13

Swran kun min kwla yô'a nnyon, san oh kpoh kun oh klôh kun, oh feh i wun mantan kun, ye oh yôh kun finfin. An kwla yô'a Nyanmien i swran, nan amun kunngba'n amuan yô sika'n i klôfue.

JÉSUS-CHRIST I DYASIN FE'N BO LUC KLELI'N 16:4

Akunndan kun kpeen i klun, o sé ke, man wun nga m ma yô'n, nan se bé tu n dyunman'n nun'n, swran nga n wlu i awlô'n wa so min nun'n ti.

Sa nga bé yôli'n 10:31

O séé n ke: Corneille, o liké bo a sre Nyanmien'n, o tili, ye yé bo a yô yalefue mun'n, i wla ô su.

Sa nga bé yôli'n 10:4

Ye Corneille nieen siin, sre kuin, o use i ke: ?Nannan, nzuo? Ye ange'n sé i ke: O liké bo a sre Nyanmien'n, o ti, ye yé bo a yô yalefue mun'n, o wuin, i so'n ti, i wla ô o su.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

Jude 1:21

Ke amunh minndeh ke é Min Jésus-Christ si amun aunnvue nan o man amun anannganman nguan'n, anh yô sa nga an yôo an si ke Nyanmien klô amun'n.