JÉSUS-CHRIST I DYASIN FE'N BO LUC KLELI'N 16:15 - Nyanmien nde Ufle

¹⁵ Ye o sé bé ke: Amun lie'n an ti swran bo an yô amun wun swran'm bé nyrun ke an ti swran kpa, sannge Nyanmien si amun awlen'n nun akunndan'n, afin liké nga swran'm bé klôé bé bui liké kpa'n, o ti kain Nyanmien nyrun.

NYANMIƐN NDƐ'N 1998

¹⁵ Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

JÉSUS-CHRIST I DYASIN FE'N BO LUC KLELI'N 16:15 ပူးပေါင်းရင်းမြစ်များ

Matthieu 23:5

Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:2

I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo.

Matthieu 6:5

Ke amun nin Nyanmien amunh kôkôh yale'n, nanh an yô ke dunman klôfue'm bo bé klô nglô dyranle Nyanmien sua'm bé nun nin klo'n nun anngonda'm bé su ke swran'm bé wun bé ke bé yô bé'n, ye bé yôô bé leo.

JÉSUS-CHRIST I DYASIN FE'N BO LUC KLELI'N 10:29

Sannge o klô ke bé bui swran kpa, i so'n ti, o usa Jésus ke: ?Wan ye o ti n wiéngu nion?

JÉSUS-CHRIST I DYASIN FE'N BO LUC KLELI'N 11:39

Ye é Min'n séé i ke: Amun Pharisifue mun, an wunnzin klôwa nin talié'm bé sin, sannge amun awlen'n nun ti sa tete, ye an dé swran'm bé liké wué kéklé su.

JÉSUS-CHRIST I DYASIN FE'N BO LUC KLELI'N 18:11

Pharisifue'n dyran nglô o kan ke i bobo ti'n klé Nyanmien, o sé ke: Nyanmien Kpli, kwla ô, afin n lie'n, n ti'a ke swran nga'm bé sa, bo bé dé swran liké wué kéklé su, bé di'a nanwle, bé kunnde bla bé yi bô nin bian bé wun bô'n bé lie'n sa, ye n ti'a ke guabô sika défue ng'o dyin ye'n sa.

JÉSUS-CHRIST I DYASIN FE'N BO LUC KLELI'N 18:14

Nanwle, ke guabô sika défue so'n koh i awlô'n, Nyanmien nin i bé afien a se, sannge o nin kun'n bé afien a seman. Afin swran kwlaa ng'o yô i wun dandan'n, Nyanmien gueh i nyin asé, sannge swran ng'o tu'e i wun'n, Nyanmien man oh nyanh nyrun.

JÉSUS-CHRIST I DYASIN FE'N BO LUC KLELI'N 18:21

Ye o sé ke: Ke o fin m ba kaan nun'n, n fe i kwlaa so'n su.

JÉSUS-CHRIST I DYASIN FE'N BO LUC KLELI'N 18:9

O bu nyanndra nga ékun kléé bé bo bé bu bé wun swran kpa, bo bé yô swran wié'm bé finfin'n.

JÉSUS-CHRIST I DYASIN FE'N BO LUC KLELI'N 20:20

O man bé sese, bé sunmaan swran ke bé kô kple nian, bé yô bé wun ke swran nanwlefue sa, nan bé fe man kpenngben'n.

JÉSUS-CHRIST I DYASIN FE'N BO LUC KLELI'N 20:47

Bé dé angbôti mmla'm bé awlô'n, ye bé kan nde tennden klé Nyanmien lélélé ke swran'm bé bu bé swran kpa. Bé fo tule lie'n o wa yô te kpa.

Jean 2:25

o man o klô'a ke bé kan swran wun nde kléé. Afin i bobo si swran klun lo akunndan'n ngba.

Jean 21:17

O use i kpe kun ékun ke: ?Jean wa Simon, a klô min? I kpe nsan su lie'n b'o uselii'n, o yôli Pierre ya ye o sé ke: Nannan, a si sa'n kwlaa, a si ke n klô o. Jésus sé i ke: Nian m bua'm bé lika.

Sa nga bé yôli'n 1:18

Ke bian so'n fa sika ng'o nyenniin i sa te yôle'n nun'n tôô asie kun'n, o to utuu i nyin asé, i ku'n kpukéli, ye i klun ninngé'm bé guali.

Sa nga bé yôli'n 1:24

Ye bé kan klé Nyanmien ke: Nannan Nyanmien Kpli, o bo a si swran'n kwlaa bé akunndan'n, swran nnyon nga, klé é bé nun kun nga a felii'n,

Sa nga bé yôli'n 15:8

Nyanmien b'o si swran'n kwlaa bé awlen'n nun'n, o fe i Wawe'n maan bé ke o fa maan yé'n sa, b'o klé ke wa so bé nun.

Rɔmfuɛ Mun 3:20

Nyanmien su bu'a swran fi swran kpa i mmla'n su fale'n ti, afin mmla'n ti ye man bé si liké nga bé fle ke sa te nion.

Rɔmfuɛ Mun 8:27

Nyanmien b'o si swran'm bé awlen'n nun'n, o si akunndan ng'o ô i Wawe'n i klun'n, afin liké nga Nyanmien klô'n ye i Wawe'n sre man bé nga bé ti i lie muon.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

1 Piɛr 3:4

Sannge man bé wun amun klaan'n amun nzuen'n, nin amun awlen wetee'n, nin diin bo an ti'n nun. Klaan so'n wiéman, o ti kpa Nyanmien nyrun.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

Sa nglô yile 2:23

Nh kunh i mma mun, o man asonun'n kwlaa béh sih ke min ye n si swran'm bé akunndan'n nin sa ng'o ô bé klun lo nion. Liké nga an yôli'n, nh fah swran kun lie ng'o yôli'n i nuan liké men.