JÉSUS-CHRIST I DYASIN FE'N BO LUC KLELI'N 12:9 - Nyanmien nde Ufle

⁹ Sannge swran ng'o yô i wun swran'm bé nyrun ke o si'a min'n, m bo n katyii Swran'n n kusu nh kenh Nyanmien i ange'm bé nyrun ke n simen.

NYANMIƐN NDƐ'N 1998

⁹ Sanngɛ sran ng'ɔ yo i wun sran'm be nyrun kɛ ɔ si-man min'n, m bɔ n kacili Sran'n n kusu n ´kɛn Nyanmiɛn i anz'm be nyrun kɛ n si-mɛn i.

JÉSUS-CHRIST I DYASIN FE'N BO LUC KLELI'N 12:9 ပူးပေါင်းရင်းမြစ်များ

Matthieu 10:33

sannge swran ng'o yô i wun swran'm bé nyrun ke o si'a min'n, n kusu nh kenh n Si b'o ô nyanmien su lo'n i nyrun ke n simen.

Matthieu 25:12

Sannge o sé bé ke: Nanwle, n si'a amun.

Matthieu 25:31

Ke m bo n katyii Swran'n bo min nyrun ti nyannyan o yô srô'n, min nin min ange'n kwlaa éh bah'n, nh yih n famien'n nglô nh tranh m bia'n su.

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Matthieu 7:23

Ye nh séh bé ke: Amun bo an satyi mmla'n, anh fa dyaô min wun le. N si'a amun mlonmlon.

Marc 8:38

Adyulisufue tete nga'm bé ti ke bla b'o kunnde bian i wun bô sa Nyanmien nyrun. Wié ô bé nun nyannzuen kun bé min nin min nde'n ti. Ke m bo n katyii Swran'n min nin Nyanmien i ange mun éh bah n Si i dunman nun, bo béh wunh ke i nyrun ti nyannyan o yô srô'n, nyannzuen wa kun n kusu bé ti.

JÉSUS-CHRIST I DYASIN FE'N BO LUC KLELI'N 15:10

O man nh séh amun ke, sa te yôfue kun b'o katyi i nzuen'n ti, Nyanmien i ange'm bé klun dyo.

JÉSUS-CHRIST I DYASIN FE'N BO LUC KLELI'N 22:57

Sannge o fe i nuan kéklé o sé ke: Mmô, n simen mlonmlon.

JÉSUS-CHRIST I DYASIN FE'N BO LUC KLELI'N 9:26

M bo n katyii Swran'n mh bah, swran'm béh wunh ke min nin n Si nin n Si ange mun é nyrun ti nyannyan o yô srô. Swran nga bo min, nin min nde'n ti nyannzuen kuin'n, ke mh bah so'n, nyannzuen wa kun min swran so'n ti.

2 Timote 2:12

Se é dyran kéklé'n, é nin i ye éh dih famien nion, Se é sé ke é simen'n, i kusu wa sé ke o si'a é,

1 Jean 2:23

Swran ng'o so'a Nyanmien Wa'n nun'n, wuun wa so'e i bobo nun. Swran ng'o so i nun'n, wuun wa so i Si'n nun.

1 Jean 2:28

M mma mun, amunh nin i tran titi, nan tyen nga oh bah, bo oh yih i wun nglô'n, é wla'n wa gua asé, nan ba ka'an é bô, ya wu'an nyannzuen.

Sa nglô yile 3:8

N si amun nyôlie'n. Liké nga an kwle i yô'n, o ti kaan, sannge o nin i so'n ngba, amuan fa min nde'n su, amuan fia'a n dunman'n su. I so'n ti, man tiké anuan man man amun, swran fi kwla nyinman.