JÉSUS-CHRIST I DYASIN FE'N BO LUC KLELI'N 12:5 - Nyanmien nde Ufle

⁵ M ma klé amun swran nga bo ye an srôé'n. Anh srô Nyanmien bo ke o kun swran'n, o kwla fe yi nyrennen lika'n nun'n, i ye anh srô io.

NYANMIƐN NDƐ'N 1998

⁵ M ma kle amun sran nga bɔ yɛ an `sro i'n. An `sro Nyanmiɛn bɔ kɛ ɔ kun sran'n, ɔ kwla fɛ i yi nyrɛnnɛn lika nun'n, i yɛ an `sro i-ɔ.

JÉSUS-CHRIST I DYASIN FE'N BO LUC KLELI'N 12:5 ပူးပေါင်းရင်းမြစ်များ

Matthieu 10:28

Nanh an srô bé nga bé kun swran, bo bé kwla ku'an liké ng'o man bé fle swran i swran'n, sannge anh srô Nyanmien b'o kwlaa satyi bé nnyon'n mlonmlon nyrennen lika'n nun.

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Matthieu 5:22

Sannge n lie'n, nh nh kanh klé amun ke, swran kwlaa ng'o fe i niaan wun ya [ngben'n], béh feh ko dyole difue'm bé dyasu. Ye swran ng'o kpe i niaan nzôwa'n, béh feh ko dyole difue dandan'm bé dyasu. Swran ng'o sé i niaan ke: Sinnglinfue'n, béh feh ko nyrennen lika'n i sin'n nun lo.

Marc 13:23

Sannge amun lie'n anh sasa amun wun sa so'm bé lika. Man dun mmua bô i kwlaa su a klé amun.

1 Tɛsalonikfuɛ Mun 4:6

Sa kunngba nga su'n, nanh an bu amun niaan luflé, nanh an tie i be su, afin é kan kléli amun, é wlaa amun su nun kpa ke, swran ng'o yô i so sa'n, é Min'n tuh i fo.

Hébreu 10:31

Se Anannganman Nyanmien'n nyan swran kun'n, oh yôéh te dan kpa!

2 Piɛr 2:4

Afin Nyanmien a yatyi'a ange'm bo bé yôô i sa'n bé le, o kan bé bô guee nyrennen lika'n nun, bé tyi bé sié bé aôsin'n nun lo ke bé tran le lélé mon o fa dyu dyole dile tyen.

Sa nglô yile 14:7

O kpan sé ke: Man amun nyin yi Nyanmien, anh menmen, afin swran'm bé nde bule ble'n wa dyu. Anh kôtô i b'o yii nyanmien su lo'n, nin asie'n, nin dyénvié'n, nin nzué ti mun'n i bô!

Sa nglô yile 15:4

?Nannan, wan ye o srôman woo? ?Wan ye o bô'a o dunmaan? Afin o kunngba tye ye o nzuen'n nin klo swran lie'n ti'a kuon. Nvlénvlé'n kwlaa bé wa kôtô o bô, afin bé kwlaa ba wun ke a di dyole nanwle su.

Sa nglô yile 20:14

Nan ba fa wié'n nin blolo'n ba yi bé sin dan'n nun. Sin dan so'n ye o ti wié'n i nnyon su nion.