JÉSUS-CHRIST I DYASIN FE'N BO LUC KLELI'N 12:48 - Nyanmien nde Ufle

⁴⁸ Sannge swran ng'o si'a nun, nan o yô sa wié b'o nin fo tule fata'n, béh bôéh kaan sa. Swran nga bé men i liké kpanngban'n, swran so'n ye béh séh i ke o fa kpanngban blaa, ye nga bo bé fa liké kpanngban wle i sa nun'n, béh dyranh su ke o fa kpanngban kpa bla.

NYANMIƐN NDƐ'N 1998

⁴⁸ Sanngɛ sran ng'ɔ si-man nun nan ɔ yo sa wie b'ɔ nin fɔ tulɛ fata'n, be ´bo i kaan sa. Sran nga be mɛn i like kpanngban'n, sran sɔ'n yɛ be ´se i kɛ ɔ `fa kpanngban bla-a, yɛ nga bɔ be fa like kpanngban wlɛ i sa nun'n, be ´jran su kɛ ɔ fa kpanngban kpa bla .»

JÉSUS-CHRIST I DYASIN FE'N BO LUC KLELI'N 12:48 ပူးပေါင်းရင်းမြစ်များ

Matthieu 13:12

Afin swran ng'o le liké'n, i ye béh menh i wiéo, ye oh nyanh wié kpanngban, sannge ng'o le'a liké'n, kaan ng'o ô i sa nun bobo'n béh déh.

Matthieu 23:14

[Amun mmla kléfue nin Pharisifue dunman klôfue mun, an yakô! Yele ke an dé angbôti mmla'm bé awlô'n, ye an kan nde tennden klé Nyanmien lélélé ke swran'm bé bu amun swran kpa. I so'n ti, amun fo tule lie'n o wa yô te kpa.]

JÉSUS-CHRIST I DYASIN FE'N BO LUC KLELI'N 12:41

Ye Pierre usee i ke: ?Nannan, é ye a bu nyanndra so'n klé yéo, annze é ngbaa?

JÉSUS-CHRIST I DYASIN FE'N BO LUC KLELI'N 12:49

M baa men'n nun wole, o ka n ngunmion wa so!

JÉSUS-CHRIST I DYASIN FE'N BO LUC KLELI'N 16:2

O flelii, o usé i ke: ?Nzu sa ye a yôli bo bé wa kan kléé min nion? Kan o dyunman'n i nun nde klé min, afin a su kwla nia'an n ninngé'm bé su kun.

Jean 15:22

Se man baman man kan klé'a bé'n, wuun bé su bu'a bé sa te yôfue. Sannge sien'n, bé kwla yi'a bé ti bé sa te'n bô kun.

Sa nga bé yôli'n 17:30

I nun'n bo swran'm bé wu'an sa wle'n, sa nga bé yôli'n, Nyanmien a fa sié'e i klun, sannge sien'n, o kan klé swran ti blé'n kwlaa ke bé katyi bé nzuen'n.

1 Timote 1:11

Ke bé klee Nyanmien Kpli bo bé bô i dunman fe titi'n i dyasin fe'n b'o fa wla n sa nun'n nun soo.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

Tite 1:3

Ke ble ng'o siéli'n dyuli'n, o yii i nde so'n nglô. É Défue Nyanmien'n ye o fa nde so'n wlaa n sa nun ke n kaan.

Jacques 3:1

N niaan mun, nanh amun nun kpanngban bé kunnde ke bé yô liké kléfue, afin an si ke, ke Nyanmien dih dyole'n é bo é ti liké kléfue'n, oh usausah é sa kpa tra bé nga mun.