JÉSUS-CHRIST I DYASIN FE'N BO LUC KLELI'N 12:37 - Nyanmien nde Ufle

³⁷ Bé nga ke bé min'n bah'n, bé nyin ô i sin'n, bé lie su ti yé! Anh nian nga b'oh yôh'n ye, oh feh i tannin'n kpe i bô, o man béh tranh asé, ye i bobo oh fah ninngé man bé.

NYANMIƐN NDƐ'N 1998

³⁷ Be nga kɛ be min'n ´ba'n bé nyin o i sin'n, be liɛ su ti ye! An `nian nga b'ɔ ´yo'n yɛ: ɔ ´fɛ i tannin'n kpɛ i bo, ɔ man be ´tran ase, yɛ i bɔbɔ ɔ ´isa aliɛ nga be wa di'n man be-ɔ.

JÉSUS-CHRIST I DYASIN FE'N BO LUC KLELI'N 12:37 ပူးပေါင်းရင်းမြစ်များ

Matthieu 24:42

I so'n ti, anh tran minnde, yele ke an si'a tyen nga amun Min'n oh bah nuon.

JÉSUS-CHRIST I DYASIN FE'N BO LUC KLELI'N 12:36

Anh yô ke swran bo bé su minnde bé min'n bo ke o fin atonvle bô dyu le tye'n, b'o bôbô anuan'n bé tiké'n, bé lie'n sa.

JÉSUS-CHRIST I DYASIN FE'N BO LUC KLELI'N 12:43

I sofue nga bo ke i min'n tôé'n o di i dyunman so'n, i lie su ti yé!

JÉSUS-CHRIST I DYASIN FE'N BO LUC KLELI'N 17:8

?Nanh nga b'o séé'n yele ke, o ton liké men, o katyi i trale'n nan o fa alie'n blee, man o di i lie ka, nan i kusu a di i lie'n?

JÉSUS-CHRIST I DYASIN FE'N BO LUC KLELI'N 21:36

I so'n ti, anh tran minndee tyen kwlaa, anh sre Nyanmien man an kwla fité sa kwlaa b'o wa ba men'n nun'n i nun, nan amuan kwla dyran m bo n katyii Swran'n min nyrun.

JÉSUS-CHRIST I DYASIN FE'N BO LUC KLELI'N 22:27

?Swran ng'o ti alie'n sin'n, o nin swran ng'o isa alie'n, bé nun ônin ye o ti daan? ?Nanh swran ng'o ti alie'n sin'n ye o ti daan? Sannge n lie'n n wô amun afien ke dyunman difue sa.

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

1 Korɛntfuɛ Mun 2:9

Sannge ba simen, afin bé klee ke: «Liké nga swran fi nyinma a wunmen, Bé su a timan, Bo i wun akunndan a ba'a bé klun'n Liké so'n ye Nyanmien yô meen i klôfue muon.»

Filipfuɛ Mun 1:21

Afin n liké lie nga ti ye n wô men'n nun'n yele Christ, ye wié'n ti min nvasue.

Filipfuɛ Mun 1:23

N ti mianfue i bué nnyon'n nun, sa ng'o yô n fe kpa tra su'n, yele ke nh koh nan min nin Christ é kô tran, i so'n ye o ti kpaa.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

2 Piɛr 3:14

N swran kpa mun, i so'n ti, ke éh minndeh tyen so'n, anh yô liké kwlaa nga an kwla yô'n nan o wun ke an ti swran kpa bo sa kaan sa nu'an amun wun, nan amun nin i amun nuan a se.

Sa nglô yile 14:13

N tii swran kun nen nyanmien su lo, o sé ke: Kle nde nga: Ke o fin nde'n, bé nga bé nin é Min'n ba katyi swran wunmuan bo bé wu'n, bé lie su ti yé! Nyanmien Wawe'n sé ke o ti so. Bé wa yatyi bé dyunman kéklé bo bé di'n béh déh wunmien, afin bé nin bé nyôlie kpa'n ye béh kooh.

Sa nglô yile 16:15

—Nian, mh bah ke awiéfue sa! Swran ng'o tran minnde, b'o nien i trale'm bé su, b'o man o su fe'e i wun kplen sinman'n, b'o man o su wu'an nyannzuen'n, i lie su ti yé! —

Sa nglô yile 3:21

Swran ng'o kwla'n, min nin i éh dih m bia'n, ke n kwlali, bo min nin n Si é di i bia'n sa.

Sa nglô yile 7:17

Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.