JÉSUS-CHRIST I DYASIN FE'N BO LUC KLELI'N 12:11 - Nyanmien nde Ufle

¹¹ Ke béh fah amun ko Nyanmien sua'm bé nun, o nin dyole difue nin kpenngben'm bé dyasu'n, nanh an kôkô nde nga amunh kanh nan amuan nyan amun ti'n, nin i kanle wafa nga amunh kanh'n,

NYANMIƐN NDƐ'N 1998

¹¹ Kɛ be ´fa amun kɔ Nyanmiɛn ndɛ suanlɛ nin i srɛlɛ sua'm be nun, ɔ nin jɔlɛ difuɛ mun nin kpɛnngbɛn'm bé ja su'n, nán an koko ndɛ nga amun ´kan nan amu'an nyan amún ti'n, nin i kanlɛ wafa nga amun ´kan'n,

JÉSUS-CHRIST I DYASIN FE'N BO LUC KLELI'N 12:11 ပူးပေါင်းရင်းမြစ်များ

Matthieu 23:34

O man, nh sunmanh Nyanmien nuan idyofue nin ngwlelefue nin mmla kléfue mun amun sin. Amun wa kun wié, amunh bôbôh wié waka'n su, ye amunh bôh wié mun nin ngblé amun Nyanmien sua'm bé nun, amunh kléh bé yale klo'm bé su

Matthieu 6:25

I so'n ti, nh kanh klé amun ke, nanh an kôkô ninngé bo an lemen'n ti sé ke: ?Nzu ye é dio? [?Nzu ye é noon?] annze, ?É nyan tannin nin ye é klaa? ?Nguan nde'n ti'a tyinndyin tra'a alie'n? ?Bé wunnen'n ti'a kpa tra'a tannin?

Matthieu 6:27

Amun nun ônin ye i kôkôle nun o kwla gue i afue'n su bo kaan?

Matthieu 6:28

?Ye nzu ti ye an kôkô trale tio? Anh nian waka nyre bo bé ô blô lo'n, bé di'a fié, bé tô'a dyésé.

Matthieu 6:31

I so'n ti, nanh an kôkô sé ke: ?Nde nzu ye é dio? annze, ?Nzu ye é noon? annze, ?Nzu ye é klaa?

Matthieu 6:34

I so'n ti, nanh an kôkô ainman lie'n ti, afin ainman bobo ye o kunnde i wun likéo. Tyen ba kun nun afe'n o dyu tyen so'n nun.

JÉSUS-CHRIST I DYASIN FE'N BO LUC KLELI'N 12:22

Ke o yôô so'n, Jésus sé i sonnzonfue'm bé ke: I so'n ti, nanh an kôkô ninngé bo an lemen'n ti sé ke: ?Nzu ye é dio? ?É nyan tannin nin ye é klaa?