JÉSUS-CHRIST I DYASIN FE'N BO LUC KLELI'N 12:1 - Nyanmien nde Ufle

¹ Ke o yôô so'n, swran akpiakpi bé yiali, o man bé fufu bé wiéngu su. Jésus bôô nde kanle'n i bô i sonnzonfue'm bé su, o sé bé ke: Anh nian amun wun kpa Pharisifue'm (*f4*) bé kpaun ayré bo yele dunman klôle'n i lika.

NYANMIƐN NDƐ'N 1998

¹ Kɛ ɔ yoli sɔ'n, sran akpi-akpi be yiali, ɔ man be fufu be wiengu su. Jésus i sɔnnzɔnfuɛ'm be yɛ ɔ dun mmua kannin ndɛ kleli be-ɔ, ɔ seli be kɛ: «An `nian amún wun kpa Farizifuɛ'm be kpaun ayre bɔ yɛlɛ dunman klolɛ'n i lika.

JÉSUS-CHRIST I DYASIN FE'N BO LUC KLELI'N 12:1 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:44

An yakô! yele ke an ti ke ndia bo ba siémen i nzolie bo bé si'a so bé nanti su'n sa.

JÉSUS-CHRIST I DYASIN FE'N BO LUC KLELI'N 12:56

Dunman klôfue mun, an si asie'n su wa nin nyanmien su lo ninngé'm bé nzolie. ?Nzu ti ye an si'a ble nga an wô nun ye'n i nzolieo?

JÉSUS-CHRIST I DYASIN FE'N BO LUC KLELI'N 5:1

Lé kun ke Jésus ô Génésareth fete'n nuan le bo swran'm bé sin yie le ke béh tiéh Nyanmien nde'n,

JÉSUS-CHRIST I DYASIN FE'N BO LUC KLELI'N 5:15

Jésus dunman'n fu titi, ye swran kpanngban kpa bé yie i wun le ke béh tiéh i nde'n, nan o yô bé dyuédyué.

JÉSUS-CHRIST I DYASIN FE'N BO LUC KLELI'N 6:17

O nin bé fin ôka'n su lo dyrali, bé wa dyran lika kpekplekpee kun bo i sonnzonfue kaka kpa bé ô le'n nun, ye swran kpanngban bo bé fin Judée nin Jérusalem, nin Tyr nin Sidon dyénvié nuan lo'n, bé ô le wié.

Sa nga bé yôli'n 21:20

Ke bé tii nde so'n, bé yii Nyanmien aye, nan ba sé i ke: É niaan bian, a wun Juif akpiakpi bo ba lafi Jésus su'n, bé kwlaa so'n bé le mmla'n i wun awlen.

1 Korɛntfuɛ Mun 15:3

Sa nga bé fa kléé min'n, bo n kusu n fa kléé amun'n o ti tyinndyin kpa. Bé klee Nyanmien Nde'n nun ke Christ o wa wu sa te bo é yôli'n ti, ye o wuli.

Hébreu 12:22

Sannge an baa Sion Ôka'n i bô, an baa nyanmien su Jérusalem b'o ti Anannganman Nyanmien'n i klô'n bo ange akpiakpi bé ô su'n su.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

1 Piɛr 2:1

I so'n ti, anh wla klunwi, nin gble'n kwlaa, nin dunman kunndele, nin amun nyin bo an fa tyi swran'n, nin swran wun nde kanle'n kwlaa bé asé.