JÉSUS-CHRIST I DYASIN FE'N BO LUC KLELI'N 1:17 - Nyanmien nde Ufle

¹⁷ Oh dunh é Min'n nyrun, akunndan kunngba nga Élie buli'n, oh buh wié, ye sa kéklééklé nga Élie yôli'n, oh yôh wié. «Oh siésiéh ba'm bé nin bé si'm bé afien,» o man nyin kékléfue'm béh katyih, béh buh akunndan kpa, o man swran'm béh buabuah bé wun minnde é Min'n.

NYANMIƐN NDƐ'N 1998

¹⁷ Ɔ ´dun e Min'n i nyrun, akunndan kunngba nga Eli buli'n, ɔ ´bu wie, yɛ sa kekleekle nga Eli yoli'n, ɔ ´yo wie. Ɔ ´siesie ba'm be nin bé si'm be afiɛn, ɔ man nyin keklefuɛ'm be ´kaci, yɛ be ´bu akunndan kpa, ɔ man sran'm be ´buabua bé wun minndɛ e Min'n .»

JÉSUS-CHRIST I DYASIN FE'N BO LUC KLELI'N 1:17 ပူးပေါင်းရင်းမြစ်များ

Matthieu 11:14

Se an bu i ke o ti nanwle'n, Jean so'n te o ti Élie bo bé keen i nde ke oh bah nion.

Matthieu 14:4

yele ke titi Jean séé i ke, bla so'n i dyale'n ti'e i su.

Matthieu 3:3

I ye Nyanmien nuan idyofue Ésaïe kennin i nde ke: «I ye o kpan blô lo nion, o sé ke: Anh siésié é Min'n i akpo'n, Anh yô i atin'm bé séiin, anh tréké su.»

Matthieu 3:4

Chameau ndre trale ô Jean wun, ye kplô kun tyi i afien. Lalô nin wema nzué ye o dio.

JÉSUS-CHRIST I DYASIN FE'N BO LUC KLELI'N 1:16

O man Israëlfue kpanngban béh sah bé sin bé Min Nyanmien'n i sin.

JÉSUS-CHRIST I DYASIN FE'N BO LUC KLELI'N 1:76

Bakan, o kusu, bé wa fle o Nyanmien Kpli bo liké fi nu'en i sin'n, i nuan idyofue, afin ah dunh mmua é Min'n nyrun ah siésiéh i akpo'n,

Jean 1:13

Nyanmien wa bo bé ti'n, ba wu'a bé ke bé fa wu ba'n sa, b'o fin yasua nin bla bo bé klô ke béh nyanh ba'n, sannge Nyanmien bobo ye o wuu béo.

Jean 1:34

N lie'n n wunniin, ye man n sé ke, i ye o ti Nyanmien Wa nion.

Jean 3:28

Se amun waan amunh dih i nanwle'n, amunh dih, n séli amun ke, nanh min ye n ti Christ (*f1*) nion, sannge Nyanmien sunmaan n ke n dun mmua i nyrun.

Sa nga bé yôli'n 10:33

Kpekuun ye n sunmaan swran ke bé kô yia o, o man o bale'n yô n fe. I so'n ti, é kwlaa é yiaa Nyanmien nyrun wa ke éh tiéh nde kwlaa nga é Min Nyanmien'n kan kléé wo ke a kan klé yé'n.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

Kolɔsfuɛ Mun 1:12

Anh la é Si'n i asé, afin i ye man amun dunman'n te liké ng'o sié men i swran mun lika b'o kpadya nun lo'n, i nun wiéo.

2 Timote 2:21

O man swran ng'o yi i wun sa te so'm bé yôle nun'n, oh yôh ke talié klaan bo bé fa di bé tyen'n sa, oh katyih i Min'n lie, oh yôh i wun sa yé, oh kwlah fa yô liké kwlaa ng'o ti kpa'n.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

1 Jean 2:28

M mma mun, amunh nin i tran titi, nan tyen nga oh bah, bo oh yih i wun nglô'n, é wla'n wa gua asé, nan ba ka'an é bô, ya wu'an nyannzuen.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.