Jude 1:3 - Nyanmien nde Ufle

³ N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.

NYANMIƐN NDƐ'N 1998

³ N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.

Jude 1:3 ပူးပေါင်းရင်းမြစ်များ

Sa nga bé yôli'n 17:3

o tu nde so'n i bô kléé bé wéiin ke Christ i nyrennen wunle'n, o nin i tyenle'n o ti su. Ye o sé bé ke: Jésus bo n ken i nde klé amun'n, i ye o ti Christ nion.

Sa nga bé yôli'n 18:28

Afin o kpalô Juif'm bé nde'n yakpa su nzra nun, ye o kan klé bé wéiin ke bé klee Nyanmien Nde'n nun ke Jésus ye o ti Christ nion.

Sa nga bé yôli'n 20:27

Afin n kan Nyanmien i klun sa'n kwlaa kléé amun, man fia'a wié fi su amun wun.

Sa nga bé yôli'n 28:28

I so'n ti, man amun si ke Nyanmien i swran'm bé ti déle nga bé fa man bé bo bé ti'a Juif'n, bé lie'n, bé wa fa su.

Sa nga bé yôli'n 4:12

I kunngba tye ye o kwla dé swraan, yele ke Nyanmien a sié'a swran ufle fi men'n nun wa bo i dunman nun é kwla fité nuon.

Sa nga bé yôli'n 6:7

Nyanmien nde'n truli, ye Jésus sonnzonfue'm bé tree dan kpa Jésus lo. Nyanmien nyrun dyranfue kpanngban kpa bé fa nde bo Christfue'm bé fa su'n i su wié.

Sa nga bé yôli'n 9:13

Ananias sé ke: Nannan, n tili tete kwlaa nga bian so'n yôô o swran mun Jérusalem lo'n, swran sunman bé nuan nun,

Sa nga bé yôli'n 9:22

Sannge nde kanle'n si Saul wun ye i nde'n kwla bé, ke oh kanh ke Jésus ti Christ'n (*f1*), b'oh yiyih nun klé Juif'm bo bé tran Damas lo'n, bé le'a nde fi ke'en kun.

1 Korɛntfuɛ Mun 15:3

Sa nga bé fa kléé min'n, bo n kusu n fa kléé amun'n o ti tyinndyin kpa. Bé klee Nyanmien Nde'n nun ke Christ o wa wu sa te bo é yôli'n ti, ye o wuli.

Galasifuɛ Mun 2:5

Ke o ko yô nan dyasin fe'n b'o ti nanwle'n wa tran amun klun'n, ba nya'an é dyranwle bo kaan sa.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Galasifuɛ Mun 6:11

Anh nian fluwa mma dandan nga m bobo ye n kle ble amuon.

Efɛzfuɛ Mun 1:1

M Paul ye n kle fluwa nga ble amun bo an wô Éphèse lo muon. O ti amun bo an ti Christfue kpa bo amun nin Christ-Jésus amuan katyi swran wunmuan'n amun lie. Christ-Jésus sunmaan min ye n sunmanle so'n ti Nyanmien klun su.

Filipfuɛ Mun 1:1

M Paul min nin Timothée bo é ti Christ-Jésus i swran'n, é ye éh kleh fluwa nga ble amun kwlaa bo an ti Nyanmien swran bo amun nin Christ-Jésus amuan katyi swran wunmuan'n, nin asonun i sunianfue nin asonunfue'm bé lika nianfue bo an wô Philippes lo muon.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Kolɔsfuɛ Mun 1:2

éh kleh fluwa nga ble amun bo an ti Nyanmien swran kpa bo an ti é niaan swran wunmuan bo é nin Christ ti'n ti, bo an wô Colosses lo'n. Man é Si Nyanmien man an nyan yé, ye man amun wun dyo amun fouun!

1 Tɛsalonikfuɛ Mun 2:2

An si ke bé kléé é nyrennen, bé yôô é finfin Philippes lo. Ke é dyuu amun wun lo'n, é fee dan kpa ékun, sannge Nyanmien man é tra é awlen é ken i dyasin fe'n klé amun.

1 Timote 1:18

N wa Timothée, afotue nga n fa mon o ye'n, o nin o wun nde nga bé bô su kléé n laa'n o ti kun. Fa nde so'n, mion o nyin yô sa ng'o ti kpa'n,

1 Timote 6:12

Mion o nyin man swran'm bé lafi Nyanmien su kpa, afin se a mion o nyin so'n, o ti kpa. Anannganman nguan bo i ti ye Nyanmien flee wo, bo a kaan Nyanmien su bo a lafi'n i nde fefe swran kpanngban bé nyrun'n tre kéklé.

2 Timote 1:13

Fa nde nanwle nga n kan kléé wo'n su nian su yô, afin swran wunmuan bo é nin Christ-Jésus ti'n ti é lafi Nyanmien su, é klô Nyanmien nin swran.

Tite 1:4

O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

Hébreu 6:9

N swran kpa mun, kannze é kan so'n, é lafi su ke amun sa lie nga ke amun nyan amun ti'n an yô'n ti kpa tra bé lie'n.

1 Piɛr 5:12

É niaan Sylvain bo n wuun ke é kwla fa é wla gue i su'n, i ye o uka min é kle nde kaan nga n kle ble amun ye nion. N waan nh wlah amun fanngan, ye nh kanh klé amun ke yé nga Nyanmien yô yé'n, i ye o ti yé kpafue nion. I ti, anh dyran kéklé.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 2:21

Se ba wu'an atin ng'o ti kpa'n, o ti kpa tre ke bé wunniin, bo bé yatyi Nyanmien mmla'n b'o fa maan bé'n.

Jude 1:1

Amun bo é Si Nyanmien flee amun, b'o klô amun titi b'o fa amun siéé Jésus-Christ'n, min Jude bo n ti Jésus-Christ swran nin Jacques niaan'n, nh kleh fluwa nga ble amun.

Jude 1:17

Sannge n swran kpa mun, amun lie'n, anh bu nde nga bé nga é Min Jésus-Christ sunmaan bé'n bé kan kléé amun'n i akunndan.

Jude 1:20

Sannge n swran kpa mun, amun lie'n, Nyanmien su bo an lafi kpa'n ti, anh dyran kéklé ke sua bo bé wlee i bô kpa'n sa. Amunh nin Nyanmien kôkô yale titi i Wawe'n i fanngan nun.

Sa nglô yile 12:11

Bua Gbanflen'n i mmôdya'n nin nde nanwle bo bé kan'n ti bé kwlelii, ye ba bu'a bé bobo bé wun liké fi, ba srô'a wié'n.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.