Jean 9:16 - Nyanmien nde Ufle

¹⁶ Pharisifue'm bé wié'm bé sé ke: Bian so'n tyi'a sabbat'n, o man nanh Nyanmien ye o sunmeen io. Bé wié'm bé kusu bé waan: ?Se swran kun ti sa te yôfue'n, o yô se ye o kwla yi atre ke nga saa? Kpekuun ba bu bé wun nun.

NYANMIƐN NDƐ'N 1998

¹⁶ Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.

Jean 9:16 ပူးပေါင်းရင်းမြစ်များ

Matthieu 12:10

Bian kun ô le i sa'n ti uwa. Bé usaa Jésus ke: ?Bé kwla yô swran dyuédyué sabbat b'o ti é tyen te'n? Bé usee i so nan bé dyran su bé senmen.

Matthieu 12:2

Ke Pharisifue'm (*f4*) bé wuun i so'n bé sé Jésus ke: Nian, o sonnzonfue'm bé yô liké nga swran le'a atin ke o yôé sabbat tyen'n.

JÉSUS-CHRIST I DYASIN FE'N BO LUC KLELI'N 13:14

Sannge bla i dyuédyué bo Jésus yôlii sabbat tyen'n, o yôô Nyanmien sua sukpen'n i ya, nan wa sé swran'm bé ke: Tyen nga bé fa di dyunman'n o ti tyen ba nsien, anh bla tyen so'm bé nun man bé yô amun dyuédyué, nanh an ba sabbat tyen'n kun.

Jean 10:19

Nde so'n ti, Juif'm bé buu bé wun nun ékun.

Jean 14:11

Ke n sé ke min nin é Si'n é ti kun'n, anh lafi su. Se an lafi'e i so'n su'n, anh lafi su liké nga n yô bé'n bé ti.

Jean 15:24

Se man yô'a liké nga swran fi nian yô'e lé bé nyrun ba wunmen'n, wuun bé su bu'a bé sa te yôfue.

Jean 2:11

Sa so'n yôô Cana Galilée men'n nun. Ye o ti atre bo Jésus yii bé'n bé nun kliklio. O yili i wun nglô, nan i sonnzonfue'm ba lafi i su.

Jean 5:10

Sabbat b'o ti Juif'm bé tyen te'n ye o yôli sa so nion. O man Juif'm bé sé bian ng'o yôô dyuédyué'n ke: Nde ti sabbat, nanh suo o be'n.

Jean 5:36

Lalôfue nga n le'n i nde b'o kan'n ti dan tra aye nga Jean yii min'n, afin liké nga n Si klé n ke n yô'n, bo n yô bé'n, o klé ke n Si ye o sunmaan mion.

Jean 6:52

I so'n ti, akplôwa too Juif'm bé afien, bé sé ke: ?O yô se ye i li waan o kwla fe i wun man é bo é dio?

Jean 7:12

Swran kpanngban bé tu i wun aswré, wié'm bé waan: Swran kpaa. Wié'm bé kusu bé waan: Nanh swran kpaa, o ti swran satyifue.

Jean 7:23

?Se an wla bé klen sabbat tyen nan amuan satyi'a Moïse mmla'n, nzu ti ye swran ti blé wunmuan kun bo n yôé dyuédyué sabbat tyen'n ti, an fa min wun yaa?

Jean 7:43

I so'n ti, swran'm bé bubuu bé wun nun.

Jean 9:24

Pharisifue'm bé flee anyansifue'n ékun, bé sé i ke: La Nyanmien asé, é si ke bian so'n ti sa te yôfue.

Sa nga bé yôli'n 14:4

Klofue'm bé buu bé wun nun, wié'm bé dyin Juif'm bé sin, wié'm bé kusu bé dyin bé bo Jésus sunmaan bé'n bé sin.