Jean 8:31 - Nyanmien nde Ufle

³¹ Ye o sé Juif nga bé lafi i su'n bé ke: Se an fa min nde nga n kan'n su kpa'n, wuun an ti n sonnzonfue sakpa.

NYANMIƐN NDƐ'N 1998

³¹ Yɛ ɔ seli Zuif nga be lafi i su'n be kɛ: «Sɛ an fa min ndɛ nga n kan'n su kpa'n, wuun an ti n sɔnnzɔnfuɛ sakpa,

Jean 8:31 ပူးပေါင်းရင်းမြစ်များ

Matthieu 24:13

Sannge swran ng'o tre i awlen lélé dyu i awiélie'n, oh fitéh nun.

Jean 1:47

Ke Jésus wun Nathanaël ke o su be i wun le'n, o ken i nde ke: Anh nian, Israëlfue kpa kun ye oh bah ye'n, o ti'a gblefue kaan sa.

Jean 2:2

Bé yiaa Jésus nin i sonnzonfue mun atonvle so'n bô wié.

Jean 6:55

afin min nnen'n ti alie kpa ye min mmôdya'n ti liké kpa bo bé non.

Jean 8:36

Se Nyanmien Wa'n kpo amun ti'n, amunh nyanh amun ti mlonmlon.

Sa nga bé yôli'n 13:43

Ke anyiafue'm bé sanndili'n, Juif kpanngban bé nin bé bo bé katyii Juif'n, bé suu Paul nin Barnabas bé su, bé nin bé kôkô yale, ye Paul'm bé wla bé fanngan bé sé bé ke, Nyanmien i kpa b'o yô bé'n ti, bé fa bé wla gue i su.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Sa nga bé yôli'n 26:22

Sannge Nyanmien b'o dyran n sin'n ti ye man man tran lélé wa dyu ndeo, n kan nde klé swran ngbléwa mun, nin bé nga bé le'a nyrun'n. Sa bo Nyanmien nuan idyofue'm bé nin Moïse bé séé ke o wa yô'n man ka'an nde ufle fi a uka'a su, sen i kunngba tye ye n kaan.

Rɔmfuɛ Mun 11:22

I so'n ti, nian, Nyanmien ti kpa, ye kusu nde ng'o kan'n o le'a katyiwle. Ke a nien i bué kun'n a wun ke nde ng'o kan klé bé nga ba nia'an bé lika'n su kpa'n o le'a katyiwle, ye ke a nien i bué kun ékun'n a wun ke, se a yô ke o yô o kpa'n, oh yôh o kpa. Se a yô'e i so'n, oh kpeh o yi.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

1 Timote 2:15

Sannge se bla lafi Nyanmien su kpa, o klô swran titi, o yô Nyanmien lie mlonmlon, b'o nien i wun su kpa'n, se o kô wu ba'n, oh fitéh nun.

1 Timote 4:16

Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.

2 Timote 3:14

Sannge o lie'n, liké nga bé kléé o bo a lafi su'n, nian su kpa. A si swran nga bé kléé wo'n.

Hébreu 3:14

Afin se é fa é wla gue Christ su lélé gue i ti nin i bô ke i bôbôle nun sa'n, é nin i é ti wiéngu.

Hébreu 8:9

O nin sa nga laa ke n tra bé nannan'm bé sa bo bé fin Égypte lo fitéli'n, Bo n waan nh yôh man bé'n, bé su yô'a kun. É Min'n sé ke: Ba yô'a sa nga é nuan see su ke bé yô'n, O man n kusu man nia'an bé lika.

Jacques 1:25

Sannge swran ng'o nian Nyanmien mmla'n b'o ti niannun kpa, b'o man swran'm bé nyan bé ti'n nun'n, b'o nian nun tititi'n, bo ke o ti mmla'n i wla fiman, sannge o fa su'n, Nyanmien man liké ng'o yô'n, oh yôh yé.

1 Jean 2:19

Swran so'n, ke bo bé ti'a éfue sakpa'n, i so'n ti ye bé yatyi é oli nion. Se bé ti éfue'n, wuun bé kaa é wun wa. Sannge bé yii bé wun so, nan swran'm bé si wéiin ke bé nun wié fi ti'a éfue.

1 Jean 2:24

I so'n ti, nde nga ke o fin i bôbôle nun'n an tili'n, anh fa sié amun klun kpa. Se o tran amun klun kpa'n, wuun amun nin é Si'n nin i Wa'n an ti kun tititi.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.