Jean 8:24 - Nyanmien nde Ufle

²⁴ I so'n ti ye n séé amun ke amun sa te'n kah amun wun, amunh wuh nion, afin se an lafi'a swran wafa nga n ti'n su'n, amun sa te'n kah amun wun amunh wuh.

NYANMIƐN NDƐ'N 1998

²⁴ I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Jean 8:24 ပူးပေါင်းရင်းမြစ်များ

Matthieu 24:5

Afin wa ti ale i wun nde nin i ngannien, béh séh ke, bé ye bé ti Christ (*f1*) nion. Bé wa laka swran kpanngban.

Marc 13:6

Afin swran kpanngban bé wa fa n dunman'n béh séh ke min yele bé. Bé wa laka swran sunman.

Marc 16:16

Swran ng'o lafi su nan bé yô i baptême'n, oh fitéh nun, sannge ng'o lafi'a su'n béh séh ke wa di fo.

JÉSUS-CHRIST I DYASIN FE'N BO LUC KLELI'N 21:8

Ye o sé bé ke: Anh sasa amun wun, nanh man bé laka amun, afin swran kpanngban bé wa fa n dunman'n béh séh ke bé ye bé ti Christ nion, ye béh séh ke, ble'n wa mantan. Nanh an fa su.

Jean 13:19

Ke sa so'n nian dyuman'n, nh kanh klé amun biki sa nan se bé dyu'n, an lafi swran wafa nga n ti'n su.

Jean 3:18

Swran ng'o lafi i su'n bé bu'e i fo, sannge swran nga wa lafi'e i su'n, Nyanmien a dun mmua bu i fo, afin wa lafi'e i a kunngba tye'n su.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 4:26

Jésus kusu sé i ke: Yele min, i ye o su kan nde klé o ye'n.

Jean 8:21

Jésus sé bé ékun ke, o su ko, bé wa kunndee, sannge bé sa te'n kah bé wun béh wuh. Lika ng'o ko lo'n, bé su kwla ko'a lo wié.

Jean 8:25

Bé use i ke: ?A ti o lie nzu? O sé bé ke: Swran wafa nga n ti'n, ye n kan kléli amun i bôbôle nun nion.

Jean 8:28

I so'n ti, o sé bé ke: Tyen nga an man m bo n katyii Swran'n su su'n, i tyen so'n nun ye amunh sih n wafa nga n ti nion. Ye amunh sih ke m bobo n kpe'a n klun n yô'a liké fi, san nde nga n Si kan klé min'n ye n kaan.

Jean 8:58

Jésus sé bé ke: Nanwle, ke béh wuh Abraham'n, wuun n wô le.

Sa nga bé yôli'n 4:12

I kunngba tye ye o kwla dé swraan, yele ke Nyanmien a sié'a swran ufle fi men'n nun wa bo i dunman nun é kwla fité nuon.

Hébreu 12:25

Anh nian amun wun kpa, nanh an kpalô nde nga bé kan klé amun'n. Bé nga bé kpalô swran ng'o kan nde kléé bé asie'n su wa'n i nde'n, ba fité'a nun. Se é kusu é katyi é sin si swran ng'o ô nyanmien su lo b'o kan nde klé yé'n, é su fité'a nun mlonmlon.

Hébreu 2:3

wuun se é kpa sa nga é yôo éh nyanh é ti'n su'n, éh yôh se ye éh fitéh nuon? É Min'n bobo dun mmua kan é ti nyanle so'n i nde, ye bé ng'o kannin bo bé tili'n, bé kan kléé é wéiin ke o ti nanwle.