Jean 8:12 - Nyanmien nde Ufle

¹² Jésus kan klé bé ékun ke, i ye o kpadya men'n nuon, swran ng'o su i su'n, kpadyale so'n b'o man nguan'n o man oh wunh asé, o su nanti'a aôsin'n nun lé.

NYANMIƐN NDƐ'N 1998

¹² Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Jean 8:12 ပူးပေါင်းရင်းမြစ်များ

Matthieu 5:14

Amun ye an ti ke kannin sa men'n nuon. Klo b'o ô ôka su'n, o fiaman.

JÉSUS-CHRIST I DYASIN FE'N BO LUC KLELI'N 2:32

«O ti ke wia'n sa, o wa kpadya nvlé bo bé ti'a Juif'n, bé nyrun,» Ye o ti o swran Israël'm bé anyrunnyan liké.

Jean 12:35

Jésus sé bé ke: Lika'n te kpadya amun wun wa kan. Ke an te wun asé'n, anh nanti nan lika'n wa du'an amun. Swran ng'o nanti aôsin nun'n, o wu'en i bô.

Jean 12:36

Ke lika'n te kpadya amun wun wa'n, anh lafi kpadyale so'n su nan an katyi swran bo bé wun asé. Ke i nuan toli'n, o oo mmua lo kô fia bé nyrun.

Jean 12:46

Min ye m baa men'n nun ke nh kpadyah lika nion, nan swran kwlaa ng'o lafi n su'n wa tra'an aôsin nun.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 3:19

Anh nian sa ti ye o bu bé fo so'n ye, i b'o ti ke wia'n sa'n, o baa men'n nun, sannge swran'm bé klô aôsin'n tra wia'n bé nzuen tete'n ti.

Jean 7:17

Swran ng'o klô ke oh yôh i klun sa'n, oh sih ke liké nga n klé'n o fin i, annze m bobo n kpe n klun ye n kléo.

Jean 9:5

Ke n te ô men'n nun wa'n, min ye n kpadya men'n nuon.

Sa nga bé yôli'n 13:47

Afin ke é Min Nyanmien séé é ke é yô soo, o sé ke: «N fa o siéé ke a yô ke wia'n sa, a kpadya nvlé'm bé nyrun, Ye wo ti swran'm béh nyanh bé ti lélé fa dyu asie'n i awiélie.»

Sa nga bé yôli'n 26:23

Nde so'n yele ke Christ wa wun nyrennen, ke o dun mmua kô tyen bé bo bé wuli'n bé nyrun'n, oh kanh klé Juif mun nin bé bo bé ti'a Juif'n ke lika'n wa tyen.

2 Piɛr 2:17

Bé ti ke nzué ti bo wa wu sa, bé ti ke nyanmien b'o dun tuun'n bo aunngban'n tui'n sa. Bé lika nga Nyanmien siéé bé'n ti aôsin kpa tritritri.

2 Piɛr 2:4

Afin Nyanmien a yatyi'a ange'm bo bé yôô i sa'n bé le, o kan bé bô guee nyrennen lika'n nun, bé tyi bé sié bé aôsin'n nun lo ke bé tran le lélé mon o fa dyu dyole dile tyen.

1 Jean 1:6

Se é sé ke é nin i di anuanse, sannge é yô sa ke é te ô aôsin'n nun sa'n, wuun é su bua atô, é di'a nanwle.

Jude 1:13

Bé ti ke dyénvié'n b'o bô gbuugbuu'n sa, bé nyannzuen sa nga bé yô'n ti ke i nyin su nglô'n sa. Bé ti ke nzraama b'o tu ko'n sa, lika nga Nyanmien fa siéé bé ke bé tran nun tititi'n, yele aôsin tritritri kpa'n.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Sa nglô yile 21:24

Nvlénvlé'm bé nanti i wéiin'n nun, asie'n su famien'm bé wa fa bé anyanbéun ninngé mun ba klo so'n su.