Jean 7:37 - Nyanmien nde Ufle

³⁷ Bé tyen dile'n i tyen kasien b'o ti bé tyen'n i dan'n, Jésus dyin bé afien le, o kpan séé ke: Swran kwlaa nga nzué wé kuin'n, o bla n sin o wa non.

NYANMIƐN NDƐ'N 1998

³⁷ Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

Jean 7:37 ပူးပေါင်းရင်းမြစ်များ

Matthieu 11:28

Amun kwlaa bo an sua tro bo amuan fe'n, anh bla n sin, nh sikéh amun, ye amunh déh wunmien.

Matthieu 3:3

I ye Nyanmien nuan idyofue Ésaïe kennin i nde ke: «I ye o kpan blô lo nion, o sé ke: Anh siésié é Min'n i akpo'n, Anh yô i atin'm bé séiin, anh tréké su.»

Matthieu 5:6

Bé nga bé kônvi so Nyanmien klun sa yôle'n ke awé nin nzué wé kun swran sa'n, bé lie su ti yé, afin bé klun wa dyo!

Jean 1:23

O sé ke, i ye o ti swran bo «O kpan blô lo o sé ke: Anh yô é Min'n i akpo'n séiin, anh tréké su» nion. Nde so'n ye Nyanmien nuan idyofue Ésaïe kannin nion.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 4:11

Ye bla'n sé ke: Ndya, kunman'n ti kplôuun, a le'a liké bo a fa saa. ?Nin ye a nyan nzué so nion?

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 5:40

O nin i so'n ngba, an klô'a ke an bla n sin nan an nyan nguan!

Jean 6:35

Jésus sé bé ke: M bobo n ti kpaun b'o man nguan. Swran ng'o ba n sin'n, awé su ku'en lé, ye swran ng'o lafi n su'n, nzué wé su ku'en kun.

Jean 6:37

Swran kwlaa nga n Si fa bé man min'n béh bah n sin, o man swran ng'o ba n sin'n, n su fuenmen,

Jean 6:55

afin min nnen'n ti alie kpa ye min mmôdya'n ti liké kpa bo bé non.

Jean 7:28

I so'n ti, ke Jésus kléh liké Nyanmien sua dan'n nun'n, o kpan séé ke: ?An si min, an si min finwle? Nanh m bobo n tiaun ye m balio, sannge swran ng'o sunmaan min'n ti nanwlefue, an simen.

1 Korɛntfuɛ Mun 10:21

An kwla no'an é Min'n i klôwa'n nun, nan amun kunngba'n amuan non mmusu'm bé lie'n nun. Ye amun nin é Min'n kwla wla'a asa, nan amun kunngba'n amun nin mmusu mun amuan wla asa.

1 Korɛntfuɛ Mun 10:4

ye nzué kunngba b'o fin yebue b'o su bé su'n nun, yebue so'n yele Christ.

1 Korɛntfuɛ Mun 11:25

Ke bé wiéé liké'n di'n, o faa klôwa nga nun'n o ti min mmôdya b'o man amun nin Nyanmien amunh dih anuanse. Tyen kwlaa nga amunh nonh nun'n, anh yôé ke nga n yôé ye'n sa, man amun wla kpen n su.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

Efɛzfuɛ Mun 5:18

Nanh an non nzan bô, afin o yô swran wannzô, sannge man Nyanmien Wawe'n sié amun mlonmlon.

Sa nglô yile 21:6

Ye o sé n ke: Wa wié yô! N ti Alpha nin Oméga (*f45*), sa'n kwlaa i bô bôfue, nin i bô guafue. Swran nga nzué wé kuin'n, nh fah nzué ti bo i nun nzué'n man nguan'n i nun nzué'n men, o su yi'a nun déin.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!