Jean 7:19 - Nyanmien nde Ufle

¹⁹ ?Moïse ye o fa mmla'n maan amuon, nenh io? Sannge amun nun wié fi fa'a su. ?Nzu ti ye an klô ke amunh kunh mion?

NYANMIƐN NDƐ'N 1998

¹⁹ ?Moiz yɛ ɔ fa mmla'n mannin amun-ɔn, nɛ́n i-ɔ? Sanngɛ amun nun wie fi a fa-man su. ?Nguɛ ti yɛ an klo kɛ amun ´kun min-ɔn? »

Jean 7:19 ပူးပေါင်းရင်းမြစ်များ

Matthieu 12:14

Pharisifue'm (*f4*) bé fité kô wuun bé wun, bé kunnde i wafa nga bé dyran su fa kuin'n.

Matthieu 21:38

Sannge ke raisin fié sunianfue'm bé wunnin i wa'n, bé sé bé wiéngu ke: I adya difue'n ye, anh bla man é kuin, nan é fe i ninngé mun.

Marc 11:18

Ke Nyanmien nyrun dyranfue dandan nin mmla kléfue'm bé tili'n, bé kunndee i kunwle. Bé srôé yele ke i liké b'o klé'n bô swran'n kwlaa bé nuan.

Marc 3:4

I sin o usa bé ke: ?Sabbat tyen bé kwla yô swran yé, annze bé yô swran te, bé dé swran, annze bé kun swran? Sannge ba uké'a bé nuan.

Marc 3:6

Kpekuun Pharisifue'm (*f4*) bé fitéli, nan bé nin Hérode i minnien'm ba kô tyityi ke bé kunnde liké nga béh yôh béh fah kun Jésus'n.

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 10:39

I so'n ti, bé baa ékun, bé waan béh treh, sannge o flôô bé sa nun.

Jean 11:53

O man ke o fin tyen so'n nun'n, i kunle akunndan ye bé buo.

Jean 5:16

Sabbat tyen ye Jésus yôô sa so nion, i so'n ti, Juif'm bé sue nganzua.

Jean 5:18

Nde so'n ti Juif'm bé sue nganzua kpa tra laa'n ke béh kuinh, nanh sabbat b'o satyii'n ngunmin tio, sannge séle b'o séé ke Nyanmien ti i Si b'o fe i wun sunnzuin'n tio.

Jean 5:45

Nanh an bu i ke min ye nh kanh amunh wun nde klé n Sio, Moïse su sakpa'n, wuun amunh lafih n su wié,

Jean 7:1

Ke o yôô so'n, i sin Jésus wlanwlan Galilée men'n nun, o klô'a ke o wlanwlan Judée men'n nun kun, afin Juif'm bé kunnde ke béh kuinh lo.

Jean 7:25

Jérusalemfue wié'm bé sé ke: ?Nenh i ye bé waan béh kuinh nion?

Sa nga bé yôli'n 7:38

I ye ke é nannan'm bé yiaa blô lo'n, o kan nde nga ange'n kan klélii Sinaï Ôka'n su lo'n kléé bé nion. Ye Nyanmien meen nde bo lélé nde bé te di su, ke o kan klé amun.

Galasifuɛ Mun 3:19

?Se o ti so'n, mmla'n yô i lie nzu? Nyanmien siéé i kusu nan bé wun ke sa te'n ti te, ye bé di su lélé fa dyuu Abraham ôsufue nga ti ye Nyanmien séé ke oh yôh liké wié men'n i bale. Ange mun ye bé fa wla swran kun b'o dyran swran'm bé nuan'n i sa nun ye o fa balio.

Galasifuɛ Mun 6:13

Bé nga bé wla klen so'n bé bobo bé fa'a mmla'n su, sannge bé klô ke an wla klen nan bé fa liké nga bé yôé amun kplô'n su so'n di bé nuan.