Jean 7:14 - Nyanmien nde Ufle

¹⁴ Ke bé bô tyen dile'n bô b'o dyuu i afien'n, Jésus oo Nyanmien sua dan'n nun swran'm bé liké kléle.

NYANMIƐN NDƐ'N 1998

¹⁴ Kɛ be boli cɛn dilɛ'n bo b'ɔ juli i afiɛn'n, Jésus ɔli Nyanmiɛn i sua'n nun sran'm be like klelɛ.

Jean 7:14 ပူးပေါင်းရင်းမြစ်များ

Matthieu 21:12

Jésus wluu Nyanmien sua dan'n nun, nan wa fuan bé kwlaa nga bé yô liké ate lo'n, nin bé nga bé tô liké'n, ye o su sika mma katyifue'm bé table'n nin bé nga bé yô ôkunmômô ate'n bé bia'm bé bô guali.

Matthieu 26:55

Kpekuun Jésus sé swran'm bé ke: An su n su nin klonman nin kaka mun ke kôdiawiéfue bo an be i trale sa. Tyen kwlaa n tran Nyanmien sua dan'n nun n klé liké, amuan tra'a min.

JÉSUS-CHRIST I DYASIN FE'N BO LUC KLELI'N 19:47

Tyen kwlaa o klé bé liké Nyanmien sua dan'n nun, sannge Nyanmien nyrun dyranfue dandan nin mmla kléfue nin men kpenngben mun bé kunnde i kunwle.

Jean 18:20

Jésus sé i ke: N kan kléé swran'n kwlaa nzra nun, ye tyen'n kwlaa ke Juif'm bé yia Nyanmien sua'm bé nun nin Nyanmien sua dan'n nun'n, n klé bé liké. Man ka'an nde fi nvialie nun.

Jean 5:14

I sin, Jésus kô wuun bian'n Nyanmien sua dan'n nun lo, o sé i ke: Nian, w'a yô dyuédyué sien'n, nanh yô sa te kun man liké nga i te'n tra nga'n, o yô o.

Jean 7:2

Ke oh yôh so'n, wuun Juif'm bé akpa'n (*f47*) i tyen dile'n wa mantan.

Jean 7:28

I so'n ti, ke Jésus kléh liké Nyanmien sua dan'n nun'n, o kpan séé ke: ?An si min, an si min finwle? Nanh m bobo n tiaun ye m balio, sannge swran ng'o sunmaan min'n ti nanwlefue, an simen.

Jean 7:37

Bé tyen dile'n i tyen kasien b'o ti bé tyen'n i dan'n, Jésus dyin bé afien le, o kpan séé ke: Swran kwlaa nga nzué wé kuin'n, o bla n sin o wa non.

Jean 8:2

Ke alie tyennin nglemun kpa'n, o se i sin Nyanmien sua dan'n nun lo ékun. Swran'n kwlaa bé bee i wunle. O traan asé ye o so bé liké kléle'n suo.

Jean 8:20

Ke Jésus kléh liké Nyanmien sua dan'n nun b'o ô sika guawle'n i wun le'n, ye o kaan nde so nion. Swran fi a tremen, afin i tyen'n nian dyuman.