Jean 6:27 - Nyanmien nde Ufle

²⁷ Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

NYANMIƐN NDƐ'N 1998

²⁷ Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Jean 6:27 ပူးပေါင်းရင်းမြစ်များ

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Matthieu 3:17

Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

Matthieu 6:19

Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Matthieu 8:20

Jésus séé i ke: Sôlôngbi'm bé le kunman la nun, ye anunman'm bo bé tu sin'n bé le lawle, sannge m bo n katyii Swran'n n le'a lika bo n la nun dé wunmien bo kaan.

Marc 1:11

O tii swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Marc 9:7

Nyanmien ufué kun wa kataa bé su, ye bé tii swran kun nen nyanmien ufué so'n nun, o sé ke: Min awlen su ba ye, anh tié nde ng'o kan'n.

JÉSUS-CHRIST I DYASIN FE'N BO LUC KLELI'N 3:22

ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

JÉSUS-CHRIST I DYASIN FE'N BO LUC KLELI'N 9:35

Bé tii swran kun nen nyanmien ufué so'n nun, o sé ke: N wa bo n yilii'n ye. Anh tié nde ng'o kan'n.

Jean 10:28

M man bé anannganman nguan, bé su nunnu'an lé, ye swran fi su dé'a bé n sa nun.

Jean 11:42

N si ke a ti min nde'n titi, sannge sa nga ti ye n sé so'n, n sé so nan swran nga bé sin yia min ye'n, bé lafi su ke wo ye a sunmaan mion.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 15:24

Se man yô'a liké nga swran fi nian yô'e lé bé nyrun ba wunmen'n, wuun bé su bu'a bé sa te yôfue.

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Jean 3:15

nan swran kwlaa ng'o lafi n su'n, oh nyanh anannganman nguan.

Jean 3:33

Swran ng'o fe i nde'n su'n, o si wéiin ke Nyanmien ti nanwlefue,

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 6:47

Nanwle, swran ng'o lafi n su'n, o le anannganman nguan.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Jean 6:53

Jésus sé bé ke: Nanwle, se amun di'a m bo n katyii Swran'n min nnen'n, ye se an no'an min mmôdya'n, an su nya'an nguan.

Jean 6:54

Swran ng'o di min nnen'n b'o non min mmôdya'n, o le anannganman nguan, ye nh tyeenh men'n i awiélie,

Jean 6:58

Kpaun ng'o fin nyanmien su lo'n ye, o ti'a ke nga amun nannan'm bé dili bo bé wuli'n sa. Swran ng'o di kpaun so'n, o su wu'a mlonmlon.

Jean 6:62

?Se an wun ke m bo n katyii Swran'n n su fu kan n wô lo laa'n, amunh yôh amun wun se?

Jean 6:68

Ye Simon Pierre sé i ke: ?Wan sin ye é koo? O nde'n ye man é nyan anannganman nguaan.

Jean 8:18

N kan m bobo min wun nde, ye n Si b'o sunmaan min'n, i kusu ti n lalôfue.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 2:22

Israëlfue mun, anh tié nde nga kpa! Amun bobo an si ke Jésus b'o fin Nazareth'n, o ti swran kun bo Nyanmien man o yô sa kéklééklé nin abônuan sa, ye o yi atre amun nyrun wa b'o klé ke o dyin i sin.

Rɔmfuɛ Mun 4:11

Nyanmien dun mmua bui swran kpa i su b'o lafi'n ti, i sin ye bé wlee i kleon. O fa klen wlale so'n siéé Abraham nzolie b'o ti liké nga wa dun mmua yôé'n i lalôfue, nan Abraham yô bé kwlaa nga, kannze ba wla'a bé klen'n, bé Nyanmien su bo bé lafi'n ti, o bu bé swran kpa kusu wié'n, bé si.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

1 Korɛntfuɛ Mun 6:13

Alie'n ti bé klun ôwié, ye bé klun'n kusu te alie'n i di guawle, sannge Nyanmien o wa satyi liké nnyon so'n. Bé wunnen'n kusu ti'a liké bo bé fa katyi bla kunndele nin bian kunndele likéo, sannge o ti é Min'n i lie, ye é Min'n kusu ti bé wunnen so'n i lie.

1 Korɛntfuɛ Mun 9:2

Se swran wié'm bé bu i ke, nanh Christ ye o sunmaan min'n, sannge amun lie'n, an si so, afin amun ye an klé wéiin ke é Min'n ye o sunmaan min ke n ken i nde nion.

2 Korɛntfuɛ Mun 4:18

Nanh ninngé nga bé wun bé'n bé akunndan ye é buo, nga bé wu'an bé'n, bé akunndan ye é buo, afin ninngé nga bé wun bé'n, bé tyeman, sannge nga bé wu'an bé'n, bé tye bé satyi'a lé.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Filipfuɛ Mun 2:13

Afin Nyanmien bobo ye o man i klun sa yôle'n yô amun fe, ye man an kwla yôo.

Kolɔsfuɛ Mun 1:29

I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.

Kolɔsfuɛ Mun 2:22

Liké so'n kwlaa ke bé kô fa kô yô liké nga bé fa yô'n, wuun wa wié. Bé ti swran'm bé mmla nin bé nde bé kan.

Kolɔsfuɛ Mun 3:2

Anh bu nglô lo ninngé'm bé akunndan, nanh an bu asie'n su wa lie'm bé akunndan,

1 Tɛsalonikfuɛ Mun 1:3

É akunndan ô liké nga Christ su bo an lafi'n ti an yô'n, nin dyunman nga an di klôle bo an fa klô Nyanmien nin swran'n, nin amun wla bo an fa gua é Min Jésus-Christ su kpa'n bé su, ye é kan klé é Si Nyanmien.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

Hébreu 12:16

Anh nian amun wun kpa nan swran fi a kunnde'a bla nin bian, swran fi a bu'a Nyanmien liké'n ke o ti'a liké fi, ke Ésaü bo alie talié kun ti o yôô i kpenngben'n i ate'n sa.

Hébreu 4:11

I so'n ti, man é mian é wun nan é di aladyé so'n, nan swran fi a yô'a nyin kéklé i su b'o man o di'a aladyé ke bé lie'n saa.

Jacques 1:11

Wia'n fi, o bôé fiaan, i nyre'n gua, kpekuun i nyrunnyan'n wa kpa. Ke anyanbéunfue'n kusu o wa yatyi i ninngé ng'o yô bé'n kpe kpô wu soo

1 Piɛr 1:24

Afin bé klee Nyanmien Nde'n nun ke: «Swran'n kwlaa bé ti ke idyré sa, Ye bé nyrun nga bé le'n ti ke idyré'n i nyre'n sa. Idyré'n wu, ye i nyre'n gua,

2 Piɛr 1:17

I lé kunngba nga é Si Nyanmien menmenh b'oh yih i aye'n, é bobo é ô i bô. O tili i nen b'o fin lika'n b'o kpadya nyannyan'n nun, o sé ke: «Min awlen su ba'n ye, i su ye n wla'n kwlaa ôo.»