Jean 6:2 - Nyanmien nde Ufle

² Swran kpanngban kpa bé suu i su, yele ke bé wun tukpatyefue'm b'o yôô bé dyuédyué atre nun'n.

NYANMIƐN NDƐ'N 1998

² Sran kpanngban kpa be suli i su, yɛlɛ kɛ be wun tukpacɛfuɛ'm b'ɔ yoli be juejue atrɛ nun'n.

Jean 6:2 ပူးပေါင်းရင်းမြစ်များ

Matthieu 12:15

Sannge ke Jésus sii so'n, o dyaô lika so'n nun. Swran kpanngban kpa bé suu i su. O yôô bé kwlaa bé dyuédyué,

Matthieu 13:2

Swran kpanngban kpa bé yiee i wun le, i so'n ti, o fu traan alié kun nun, ye swran'n kwlaa bé gua nzué kpa'n nuan le.

Matthieu 14:14

Ke o fin alié'n nun fitéli'n, o wuun swran kpanngban, bé yô i annvo, nan wa yô tukpatyefue'm bo bé ô nun'n bé dyuédyué.

Matthieu 8:1

Ke Jésus fin ôka'n su lo dyrali'n, swran kpanngban kpa bé suu i su.

Marc 1:45

Sannge ke bian so'n fitéli tye'n, ye o too nde so'n dyo bôle su truu lika'n kwlaa nuon, lélé Jésus wa kwla yi'e i wun nglô klo fi su kun. O ka klo nuan tiwa le, ye swran'm bé fin lika'n kwlaa bé bee i wun le.

Marc 6:33

Sannge ke swran sunman kpa bé wuun bé ke bé su ko'n, bé wuun bé wle, o man swran wié'm bé fin klo kwlaa nga bé mantan le'n bé su bé wanndi duun mmua Jésus'm bé nyrun lika nga bé ko lo'n nun.

Jean 11:47

Ye Nyanmien nyrun dyranfue dandan nin Pharisifue'm bé nin dyole difue dandan mun, bé sé bé ke: ?É yô bian nga se? Afin o yi atre kpanngban.

Jean 12:18

I so'n ti, swran kpanngban bé bee i atin kpale, afin bé tii atre ng'o yili'n.

Jean 12:37

O yii atre kpanngban kpa bé nyrun, sannge o nin i so'n ngba, bé lafi'e i su.

Jean 2:11

Sa so'n yôô Cana Galilée men'n nun. Ye o ti atre bo Jésus yii bé'n bé nun kliklio. O yili i wun nglô, nan i sonnzonfue'm ba lafi i su.

Jean 2:23

Ke Jésus ô Jérusalem lo Pâque (*f17*) nun'n bo bé wun atre b'o yii bé'n, swran kpanngban bé lafili i su.

Jean 20:30

Jésus yii atre kpanngban kpa ékun i sonnzonfue'm bé nyrun bo ba kle'a bé fluwa nga nun.

Jean 6:14

Ke swran'm bé wuun atre so'n bo Jésus yili'n, bé sé ke: Nanwle, bian nga ye o ti Nyanmien nuan idyofue bo bé keen i nde ke oh bah men'n nun wa nion.

Jean 6:22

Ke alie tyennin'n, swran wlawla nga bé kaa nzué'n sin lo'n, bé wla kpen su ke alié kunngba tye ye o ô nzué'n nuan leo. Jésus kusu wa fu'e i sonnzonfue'm bé sin, bé ngunmin ye bé olio.

Jean 6:26

Jésus sé bé ke: Nanwle, sa ti bo an kunnde min'n, nanh atre bo an wunnin bé'n tio, sannge liké bo an dili bo amun ku yili'n tio.

Jean 6:30

O man bé usee i ékun ke: ?Atre ônin ye ah yih klé é bo éh wuinh nan ya lafi o suo? ?Nzu liké ye a wa yôo?