Jean 5:44 - Nyanmien nde Ufle

⁴⁴ ?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

NYANMIƐN NDƐ'N 1998

⁴⁴ ?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Jean 5:44 ပူးပေါင်းရင်းမြစ်များ

Matthieu 23:5

Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

JÉSUS-CHRIST I DYASIN FE'N BO LUC KLELI'N 19:17

Ye o sé i ke: O ti kpa, a ti swran kpa, liké kaan nga m maan wo bo a yôli i kpa'n ti, mh manh o klo blu nan a sié bé.

Jean 12:43

Afin bé klô dunman nga swran'm bé bô bé'n tra nga Nyanmien bô bé'n.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 3:20

Swran kwlaa ng'o ti sa te yôfue'n, o klô'a a wia'n mlonmlon, o fité'a wéiin nun, afin o klô'a ke bé wun i nyôlie tete'n.

Jean 5:41

N kunnde'a ke swran bô n dunman.

Jean 8:43

?Nzu ti ye an wu'an nde nga n kan klé amun'n i wleo? Afin an klô'a ke an tié.

Rɔmfuɛ Mun 2:10

Sannge bé kwlaa nga bé yô kpa'n, Nyanmien man béh nyanh nyrun, béh buh bé swran, ye béh dih aladyé, Juif mun ye bé ti kliklio, i sin bé nga mun.

Rɔmfuɛ Mun 2:29

sannge Juif kpa'n yele swran ng'o ti so i awlen'n nun'n, ye klen wlale kpa'n yele nga Nyanmien Wawe'n wle swran i awlen'n nun b'o fi'an mmla nga bé kleli'n nun'n. Nanh swran mun ye bé yi Juif kpa so'n i ayeo, Nyanmien bobo ye o yi i ayeo.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 10:18

Afin nanwle, swran ng'o sé i bobo wun ke o ti kpa'n, nenh i ye o ti kpa nion, san swran nga é Min'n bobo sé ke o ti kpa'n, i ye o ti kpaa.

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

1 Tɛsalonikfuɛ Mun 2:6

É kunnde'a ke amun annze swran wié bô é dunman.

1 Timote 1:17

Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

Hébreu 3:12

Aniaan mun, i so'n ti anh nian amun wun, nanh man amun nun wié i awlen'n yô te, ye o yô ke o lafi'a Nyanmien su, b'o man o yatyi Anannganman Nyanmien nion.

Jacques 2:1

N niaan mun, ke an lafi é Min Jésus-Christ b'o le nyrun dan'n i su'n, nanh an bu swran'n wié kpa tra wié.

1 Piɛr 1:7

i so'n nun ye béh wunh ke an lafi Nyanmien su kpaa. Sika okwle bo tyen wié oh satyih'n, bé klôé nian. Amun kusu ke an lafi Nyanmien su'n, an ti kpa tra sika okwle, sannge san béh sah amun nian. Ye ke bé wun ke an lafi i su kpa'n, tyen nga Jésus-Christ wa yi i wun nglô'n, béh manmanh amun, béh yih amun aye, béh yôh amun mô.

Jude 1:25

é Nyanmien kunngba b'o ti é Défue'n, é Min Jésus-Christ ti, man bé yi i aye, bé menmen yele ke o ti famien, bé sé ke o ti kpli, o kwla sa'n kwlaa yô. Ke o fin lalaa'n bé menmen so, ke o fin nde'n man bé menmen tititi.