Jean 5:37 - Nyanmien nde Ufle

³⁷ Ye n Si b'o sunmaan min'n, i bobo yi min aye. An nian tié'e i nen lé, an nian wu'en i nyrun lé.

NYANMIƐN NDƐ'N 1998

³⁷ Yɛ n Si b'ɔ sunmannin min'n, i bɔbɔ yi min ayɛ. An nian tie-mɛn i nɛn le, yɛ an nian wun-mɛn i nyrun le.

Jean 5:37 ပူးပေါင်းရင်းမြစ်များ

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 3:17

Kpekuun bé ti swran kun nen nyanmien su lo, o sé ke: Min awlen su ba'n i su ye man fa n wla'n kwlaa guaa.

Marc 1:11

O tii swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

JÉSUS-CHRIST I DYASIN FE'N BO LUC KLELI'N 24:27

Ye o yiyi i bobo wun nde bo bé klelii Nyanmien Nde'n kwlaa nun'n i nun kléé béo. O bôô i bô Moïse nin Nyanmien nuan idyofue'n kwlaa bé nde'n nun.

JÉSUS-CHRIST I DYASIN FE'N BO LUC KLELI'N 3:22

ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 14:9

Jésus sé i ke: ?Philippe, lalaa bo min nin amun ô wa'n, a nian si'a min? Swran ng'o wun min'n, wuun wa wun é Si'n. ?O yô se ye a sé n ke n klé amun é Si nion?

Jean 15:24

Se man yô'a liké nga swran fi nian yô'e lé bé nyrun ba wunmen'n, wuun bé su bu'a bé sa te yôfue.

Jean 5:32

Swran ufle ye o yi min ayeo, ye n si ke aye so'n b'o yi min'n ti nanwle.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Jean 8:18

N kan m bobo min wun nde, ye n Si b'o sunmaan min'n, i kusu ti n lalôfue.

1 Timote 1:17

Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

1 Timote 6:16

I kunngba tye ye o wumaan, o tran lika b'o kpadya nyannyannyan bo swran fi kwla mentenmen'n nun. Swran fi nian wu'en lé, ye bé kwla wunmen. Man bé menmen ye bé si ke o ti kwlafue tititi. Mon o yô so.

1 Jean 4:12

Swran fi nian wu'an Nyanmien lé. Se é klô é wun'n, wuun é nin Nyanmien é ti kun, ye klôle ng'o man é fa klô swran'n i nyin fitéh wéiin.

1 Jean 4:20

Se swran kun sé ke o klô Nyanmien, sannge o kpo i niaan'n, wuun atô ye o buaa. ?Afin se o klô'e i niaan'n b'o wuin'n, o yô se ye o kwla klô Nyanmien b'o wunmen nion?

1 Jean 5:9

Se é fa nde swran'm bé wun nun bo bé kan'n su'n, Nyanmien lie ng'o kan'n i nanwle'n tra bé lie'n, afin nde nga Nyanmien kan'n yele i Wa'n i nde'n.