Jean 5:36 - Nyanmien nde Ufle

³⁶ Lalôfue nga n le'n i nde b'o kan'n ti dan tra aye nga Jean yii min'n, afin liké nga n Si klé n ke n yô'n, bo n yô bé'n, o klé ke n Si ye o sunmaan mion.

NYANMIƐN NDƐ'N 1998

³⁶ Lalofuɛ nga n lɛ i'n, i ndɛ b'ɔ kan'n ti dan tra ayɛ nga Zan yili min'n, afin like nga n Si kle n kɛ n yo'n, bɔ n yo be'n, ɔ kle kɛ n Si yɛ ɔ sunmannin min-ɔn.

Jean 5:36 ပူးပေါင်းရင်းမြစ်များ

Matthieu 11:4

Jésus séé bé ke: Anh kô kan nde nga an tili'n nin liké nga an wunniin'n klé Jean.

JÉSUS-CHRIST I DYASIN FE'N BO LUC KLELI'N 2:49

Ye o sé bé ke: ?Nzu ti ye an kunnde mion? ?An si'a ke n Si ninngé'm bé mian n saa?

Jean 10:25

Jésus sé bé ke: N kan kléé amun laa, amuan lafi'a n su. Sa nga n Si dunman nun n yô bé'n, bé ti n lalôfue.

Jean 11:37

Bé wié'm bé sé ke: ?I b'o tikéli anyansifue'n i nyinma'n, o yô se ye o yatyii bian nga le o wulio?

Jean 15:24

Se man yô'a liké nga swran fi nian yô'e lé bé nyrun ba wunmen'n, wuun bé su bu'a bé sa te yôfue.

Jean 17:4

M man a nyaan komin asie'n su wa, ye dyunman nga a maan n ke n di'n, n wiéli i di.

Jean 2:23

Ke Jésus ô Jérusalem lo Pâque (*f17*) nun'n bo bé wun atre b'o yii bé'n, swran kpanngban bé lafili i su.

Jean 3:17

Afin Nyanmien wa sunme'en i Wa'n men'n nun ke o wa di dyole, sannge o sunmeen ke o bla nan menfue'm bé nyan bé ti.

Jean 4:34

Jésus sé bé ke: Min alie'n yele swran ng'o sunmaan min'n i klun sa yôle, nin dyunman ng'o maan min'n i bô guaguale.

Jean 5:32

Swran ufle ye o yi min ayeo, ye n si ke aye so'n b'o yi min'n ti nanwle.

Sa nga bé yôli'n 2:22

Israëlfue mun, anh tié nde nga kpa! Amun bobo an si ke Jésus b'o fin Nazareth'n, o ti swran kun bo Nyanmien man o yô sa kéklééklé nin abônuan sa, ye o yi atre amun nyrun wa b'o klé ke o dyin i sin.

1 Jean 5:9

Se é fa nde swran'm bé wun nun bo bé kan'n su'n, Nyanmien lie ng'o kan'n i nanwle'n tra bé lie'n, afin nde nga Nyanmien kan'n yele i Wa'n i nde'n.