Jean 5:26 - Nyanmien nde Ufle

²⁶ Ke nguan'n wô i Si sa nun'n, o man nguan so'n wô i Wa'n sa nun wié.

NYANMIƐN NDƐ'N 1998

²⁶ Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 5:26 ပူးပေါင်းရင်းမြစ်များ

Jean 1:4

I sa nun ye nguan'n wôo, nguan so'n ti ke wia'n sa, o man swran'm bé wun asé.

Jean 10:18

Swran fi kwla kpe'a min nguan'n i sin, m bobo n klun su ye n fa min wun maan. N kwla fa min wun man, ye n kwla nyan nguan ékun. Afin i so ye n Si kan kléé n ke n yôo.

Jean 11:25

Jésus sé i ke: Min ye n tyen swran muon, m bobo min ye bé fle min nguan nion. Swran kwlaa ng'o lafi n su'n, se o wu'n, oh nyanh nguan ékun.

Jean 11:26

Ye swran nga i nyin ô su b'o lafi n su'n, o su wu'a lé. ?A lafi nde so'n su?

Jean 14:19

O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 6:57

Ke n Si b'o ti anannganman'n sunmaan min'n, bo i ti ye n wô le'n, swran nga kusu b'o di min nnen'n, n ti oh tranh le.

Jean 8:51

Nanwle, swran ng'o fa min nde'n su'n, o wu wa'a mlonmlon.

Sa nga bé yôli'n 17:25

I b'o man swran'n kwlaa nguan, b'o man bé dé wunmien'n, b'o man bé liké'n kwlaa'n, i sa mia'an liké fi wun bo se swran'm bé sui'n, bé kwla yô men io.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

1 Timote 1:17

Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

1 Timote 6:16

I kunngba tye ye o wumaan, o tran lika b'o kpadya nyannyannyan bo swran fi kwla mentenmen'n nun. Swran fi nian wu'en lé, ye bé kwla wunmen. Man bé menmen ye bé si ke o ti kwlafue tititi. Mon o yô so.

Hébreu 1:2

Sannge é bo é su ko men'n i bué nuan'n, o man i Wa'n ye o kan nde kléé yéo. I ye o man o yii men'n nin ninngé'n kwlaaa, ye o sé ke oh fah liké'n kwlaa men.

Sa nglô yile 21:6

Ye o sé n ke: Wa wié yô! N ti Alpha nin Oméga (*f45*), sa'n kwlaa i bô bôfue, nin i bô guafue. Swran nga nzué wé kuin'n, nh fah nzué ti bo i nun nzué'n man nguan'n i nun nzué'n men, o su yi'a nun déin.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!

Sa nglô yile 7:17

Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.