Jean 5:23 - Nyanmien nde Ufle

²³ nan swran'n kwlaa bé bui swran ke bé bu i Si swran'n sa. Swran ng'o bu'e i Wa'n swran'n, wuun o bu'e i Si b'o sunmenniin'n, i swran.

NYANMIƐN NDƐ'N 1998

²³ nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Jean 5:23 ပူးပေါင်းရင်းမြစ်များ

Matthieu 10:37

Swran ng'o klô i si annze i nin tra min'n, o su yô'a n lie, ye swran ng'o klô i wa yasua annze i wa bla tra min'n o su yô'a n lie,

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Matthieu 12:21

Lélé san o man nanwle'n kwlah, Ye nvlé'm bé wa fa bé wla gue i su.»

Matthieu 15:8

«Swran nga'm bé ken bé nuan bui su ke bé bu n swran, Sannge bé awlen nu'an n su.

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

JÉSUS-CHRIST I DYASIN FE'N BO LUC KLELI'N 10:16

Swran ng'o fa amun nde'n su'n, wuun min nde'n su ye wa faa. Sannge swran ng'o so'a amun nun'n, wuun wa so'a min nun, ye swran ng'o so'a min nun'n, wuun wa so'a swran ng'o sunmaan min'n, i nun.

Jean 14:1

Nanh amun wla bô. Anh lafi Nyanmien su, ye anh lafi n su wié.

Jean 16:14

O man n dunman'n fuh, afin min nde'n ye oh kanh klé amuon.

Jean 17:10

Liké kwlaa ng'o ti n lie'n, o ti o lie, ye ng'o ti o lie'n, o ti n lie, ye bé man n komin su.

Rɔmfuɛ Mun 1:7

Nh fah fluwa nga ble amun bo an wô Rome lo bo Nyanmien klô amun b'o fle amun ke an katyi i lie mlonmlon'n. Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

Rɔmfuɛ Mun 15:12

Ésaïe kusu séé ke: «Isaï i anunman'n oh bah, O wa dyaô sié bé nga bé ti'a Juif'n, I su ye béh fah bé wla'n guaa.»

Rɔmfuɛ Mun 6:22

Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

Rɔmfuɛ Mun 8:9

Sannge amun lie'n, se Nyanmien Wawe'n tran amun nun ke i awlô sa'n, amun nzuen'n ti'a klo swran lie kun, liké ng'o klé amun ke an yô'n, ye an yôo. Swran ng'o le'a Christ i Wawe'n o ti'e i lie.

1 Korɛntfuɛ Mun 1:3

Man é Si Nyanmien nin é Min Jésus-Christ bé man an nyan yé, ye man amun wun dyo amun fouun!

1 Korɛntfuɛ Mun 10:31

I so'n ti, se amunh dih liké ô, amunh nonh nzué annze nzan ô, se amunh yôh liké wié ô, anh yô i kwlaa so'n i nuan su man Nyanmien nyan nyrun.

1 Korɛntfuɛ Mun 16:22

Se swran kun klô'a é Min'n man Nyanmien bôé sannzan. É Min'n bah!

1 Korɛntfuɛ Mun 6:19

?An si'a ke amun wunnen'n ti Nyanmien i Wawe'n b'o fa maan amun b'o ô amun nun'n i sua, o man an di'a amun tiaun?

2 Korɛntfuɛ Mun 1:9

Nanwle, é bu ke ba sié é ke bé kun é. Sa so'n yôô so nan ya lafi'a é bobo é su, sannge é lafi Nyanmien b'o tyen swran nga bé wu'n i su.

2 Korɛntfuɛ Mun 5:14

Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

2 Korɛntfuɛ Mun 5:19

Nyanmien nin Christ bé swran kun bo bé ti'n ti, wa nia'an sa nga swran'm bé yôli'n ti, o yôli man menmenfue'n kwlaa bé nin i bé afien a se. Ye o fa afien siésiéle nde so'n wlaa é sa nun.

Efɛzfuɛ Mun 6:24

Ye é Si Nyanmien man bé kwlaa nga bé klô é Min Jésus-Christ lélé gue i ti nin i bô'n bé nyan yé.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

Hébreu 1:6

Ke o fe i Wa kpen'n ba men nun'n, o keen i ékun ke: «Man Nyanmien i ange'n kwlaa bé kôtô i bô bé menmen.»

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

1 Jean 2:23

Swran ng'o so'a Nyanmien Wa'n nun'n, wuun wa so'e i bobo nun. Swran ng'o so i nun'n, wuun wa so i Si'n nun.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.