Jean 4:53 - Nyanmien nde Ufle

⁵³ Ke bé séé i so'n, ye o wuun i wle ke do kunngba so'n su ye Jésus séé i ke, i wa'n wa ô dyuédyuéo. O man o nin i awlôfue'n kwlaa bé lafii i su.

NYANMIƐN NDƐ'N 1998

⁵³ Kɛ be seli i sɔ'n, yɛ ɔ wunnin i wlɛ kɛ dɔ kunngba sɔ'n su yɛ Jésus seli i kɛ i wa'n ɔ'a yo juejue nin-ɔn. Ɔ man ɔ nin i awlofuɛ'm be kwlaa be lafili i su.

Jean 4:53 ပူးပေါင်းရင်းမြစ်များ

Matthieu 8:13

I sin Jésus séé sôndya ya sukpen'n ke: Ko mon o yô ke a lafi n su dyu'n sa. Ye i ôsu kunngba'n nun i gbanflen'n yôô dyuédyuéo.

JÉSUS-CHRIST I DYASIN FE'N BO LUC KLELI'N 19:9

Ye Jésus sé i ke: Ndeken, awlô nga nunfue'm ba nyan bé ti, yele ke bian nga kusu ti Abraham i anunman,

Jean 4:51

Ke oh koh'n, i swran'm bé bee i atin kpale, bé sé i ke, i wa'n wa yô dyuédyué.

Jean 4:52

O usa bé do nga i wunnen'n flunmaan wié'n, ye bé sé i ke: Anunman ke wia'n san bé ti wun kan'n ye i wunnen'n dyolio.

Sa nga bé yôli'n 11:14

O wa kan nde nga se a nin o awlôfue'n kwlaa an fa su'n, an wa nyan amun ti'n klé o.

Sa nga bé yôli'n 16:15

Ke bé yôô i nin i ôsufue'm bé baptême'n, o fle é, o sé ke: Se an bu n ke man lafi é Min'n su sakpa'n, an bla é kô sié liké. O dyraan su kpa.

Sa nga bé yôli'n 16:34

O fa bé wluu i sua lo, o man bé liké. Nyanmien su b'o nin i ôsufue'n kwlaa bé lafili'n ti, bé klun dyoo dan kpa.

Sa nga bé yôli'n 18:8

Sannge Crispus Nyanmien sua sukpen'n, o nin i awlôfue'n kwlaa bé lafii é Min'n su. Ye Corinthefue kpanngban bo bé tii Paul nde'n, bé faa Nyanmien nde'n su nan ba yô baptême.

Sa nga bé yôli'n 2:39

Afin liké ng'o séé ke oh yôh'n, i waan oh yôh man amun, nin amun mma mun, nin bé kwlaa bo bé ô mmua bo é Min Nyanmien'n o wa fle bé'n.