Jean 4:36 - Nyanmien nde Ufle

³⁶ Ba bô awié kpefue'n i kale tuale'n bô, ke oh tienh i nuan minnde anannganman nguan'n nan swran ng'o gua wié'n nin i kpefue'n bé nnyon'n bé klun dyo.

NYANMIƐN NDƐ'N 1998

³⁶ B'a bo awie kpɛfuɛ'n i kalɛ tualɛ'n bo, yɛ ɔ ´tiɛn i nuan minndɛ Anannganman nguan'n nan sran ng'ɔ gua awie'n nin i kpɛfuɛ'n be nnyɔn'n be klun `jɔ.

Jean 4:36 ပူးပေါင်းရင်းမြစ်များ

Matthieu 19:29

Ye swran kwlaa ng'o yatyi, se i awlô ô, i niaan bian ô, i niaan bla ô, i si ô, i nin ô, i wa ô, i asie ô, min ti'n, oh nyanh bé wunsu kpe ya, ye oh nyanh anannganman nguan.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Rɔmfuɛ Mun 1:13

Aniaan mun, m bu amun wun lo kole'n i akunndan tititi, ke mh bah nan nh nyanh n dyunman'n i nuan liké amun wun lo ke n nyen nvlé nga'm bé nun'n sa, sannge lélé nde n nian nya'an n ti.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 6:22

Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

1 Korɛntfuɛ Mun 9:17

Se m bobo min ye n kô kunnde dyunman so'n ke nh dih'n, wuun béh tuah n kale, sannge ke nanh m bobo ye n kunnde ke nh dih'n, o ti ke dyunman bo ba sre n ke n di sa.

1 Korɛntfuɛ Mun 9:18

?Se o ti so'n, nzu ye nh nyenh i nuon? Ke nh kanh dyasin fe'n bo n dé'a liké fi, bo n yô'a, i ye o ti min akatua nion.

1 Tɛsalonikfuɛ Mun 2:19

?Se é Min Jésus bah bo éh dyrenh i nyrun'n, nzu su ye éh fah é wla guaa? ?Nzu ye man é klun dyooh? Nzu ye o klé ke é kwlali bo éh fah di é nuaan? ?Nanh amuon?

1 Timote 4:16

Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.