Jean 4:23 - Nyanmien nde Ufle

²³ Sannge tyen wié lélé — tyen so'n wa dyu bobo — bé bo bé kôtô é Si'n bô bé menmen sakpa'n, béh kôtôh i bô béh menmenh bé akunndan'n nun nanwle su, afin bé nga bé manman é Si'n so'n, bé sofue mun ye o kunnde béo.

NYANMIƐN NDƐ'N 1998

²³ Sanngɛ cɛn wie lele — cɛn sɔ'n ɔ'a ju bɔbɔ — be bɔ be koto e Si'n bo be mɛnmɛn i sakpa'n, be ´koto i bo be ´mɛnmɛn i be akunndan'n nun nanwlɛ nun, afin be nga be manman e Si'n sɔ'n, be sɔfuɛ mun yɛ ɔ kunndɛ be-ɔ.

Jean 4:23 ပူးပေါင်းရင်းမြစ်များ

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 12:23

Jésus sé bé ke: M bo n katyii Swran'n n swran wafa nga n ti'n i nglô yile tyen'n wa dyu.

Jean 16:2

Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Jean 16:32

Tyen wié lélé… tyen so'n wa dyu bobo… bo amun kwlaa amunh sanndih ko bé awlô, amunh yatyih n kunngba, sannge o su ka'a n kunngba, afin min nin é SI'n ye é wôo.

Jean 4:21

Ye Jésus sé i ke: Mmô, lafi n su, tyen wié lélé nanh ôka nga su wa nin Jérusalem ye amunh kôtôh é Si'n bô amunh menmenh io.

Jean 5:25

Nanwle, tyen wié lélé — tyen so'n wa dyu bobo — bo bé nga bé wuli'n béh tih Nyanmien Wa'n i nen. Bé nga bé kô ti'n, béh nyanh nguan.

Jean 5:28

Nanh man nde so'n bô amun nuan, afin tyen wié lélé bé kwlaa nga bé ô ndia'n nun'n, béh tih i nen,

Rɔmfuɛ Mun 1:9

Nyanmien bo min akunndan'n kwlaa ô i sule'n su'n, bo m bô i Wa'n i dyasin fe'n o si ke n kan amun nde kléé titi.

Rɔmfuɛ Mun 8:15

Afin Nyanmien i Wawe'n b'o fa mannin amun'n, i lie'n o fa'a amun katyi'a kanga, o wla'a amun sre, sannge o fa amun katyi ke Nyanmien klun ba sa. I so'n ti, é kwla kpan fle Nyanmien ke: Baba!

Rɔmfuɛ Mun 8:26

É le'a fanngan, o man Nyanmien Wawe'n dyran é sin o uka é, afin é si'a liké nga é sre Nyanmien ke o fa man é b'o ti su'n. I Wawe'n bobo ôtô, o dyran é nuan o sre i man é.

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

Efɛzfuɛ Mun 6:18

Ke an kô yô i kwlaa so'n, anh sre Nyanmien ke o dyran amun sin. Sa'n kwlaa nun amun nin Nyanmien kôkô yale i Wawe'n i fanngan nun tititi. Anh nien i so'n su yôé titi, nanh an kponzo. Anh sre Nyanmien ke o nien i swran'n kwlaa bé su.

Filipfuɛ Mun 3:3

É ye é wla klen kpa nion, afin é su Nyanmien i Wawe'n i fanngan nun, é fa Christ-Jésus di é nuan, é fa'a é wla gua'a é wafa nga é ti'n su.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.