Jean 4:14 - Nyanmien nde Ufle

¹⁴ sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

NYANMIƐN NDƐ'N 1998

¹⁴ sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 4:14 ပူးပေါင်းရင်းမြစ်များ

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Matthieu 5:6

Bé nga bé kônvi so Nyanmien klun sa yôle'n ke awé nin nzué wé kun swran sa'n, bé lie su ti yé, afin bé klun wa dyo!

Jean 10:10

Bua'm bé wuale, nin bé kunle, nin bé nunnunle ti ye awiéfue'n baa, sannge n lie'n ke o kô yô nan bua'm ba nyan nguan, nan ba nyan bé ti, nan bé wun a dyo bé fouun'n ti ye m balio.

Jean 11:26

Ye swran nga i nyin ô su b'o lafi n su'n, o su wu'a lé. ?A lafi nde so'n su?

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 4:11

Ye bla'n sé ke: Ndya, kunman'n ti kplôuun, a le'a liké bo a fa saa. ?Nin ye a nyan nzué so nion?

Jean 4:13

Ye Jésus sé i ke: Swran kwlaa ng'o non nzué nga'n, nzué wé kuinh ékun,

Jean 4:36

Ba bô awié kpefue'n i kale tuale'n bô, ke oh tienh i nuan minnde anannganman nguan'n nan swran ng'o gua wié'n nin i kpefue'n bé nnyon'n bé klun dyo.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Jean 6:35

Jésus sé bé ke: M bobo n ti kpaun b'o man nguan. Swran ng'o ba n sin'n, awé su ku'en lé, ye swran ng'o lafi n su'n, nzué wé su ku'en kun.

Jean 6:58

Kpaun ng'o fin nyanmien su lo'n ye, o ti'a ke nga amun nannan'm bé dili bo bé wuli'n sa. Swran ng'o di kpaun so'n, o su wu'a mlonmlon.

Jean 7:37

Bé tyen dile'n i tyen kasien b'o ti bé tyen'n i dan'n, Jésus dyin bé afien le, o kpan séé ke: Swran kwlaa nga nzué wé kuin'n, o bla n sin o wa non.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

2 Korɛntfuɛ Mun 1:22

o siéé é nzolie, o man i Wawe'n tran é awlen'n nun, o man é si ke wa tra é asé.

Efɛzfuɛ Mun 4:30

Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 7:16

Awé su ku'an bé kun, nzué wé su ku'an bé kun, wia'n su bô'a bé kun aunyeye su ku'an bé kun.

Sa nglô yile 7:17

Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.