Jean 4:10 - Nyanmien nde Ufle

¹⁰ Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

NYANMIƐN NDƐ'N 1998

¹⁰ Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 4:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:13

Se amun bo an ti swran te'n, an fa liké kpa tye amun mma mun'n, wuun é Si b'o ô nyanmien su lo'n kusu, oh feh i Wawe'n man bé nga bé sre i'n kpe blu.

Jean 16:3

Béh yôh amun so yele ke bé si'a min nin é Si'n.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 6:35

Jésus sé bé ke: M bobo n ti kpaun b'o man nguan. Swran ng'o ba n sin'n, awé su ku'en lé, ye swran ng'o lafi n su'n, nzué wé su ku'en kun.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Sa nga bé yôli'n 9:11

Ye é Min'n sé i ke: Dyaô ko atin bo bé flee i Séiin'n su Judas awlô lo, kô nian Saul b'o fin Tarse'n i ôsu. O nin Nyanmien bé su kôkô yale.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

1 Korɛntfuɛ Mun 10:4

ye nzué kunngba b'o fin yebue b'o su bé su'n nun, yebue so'n yele Christ.

2 Korɛntfuɛ Mun 9:15

Nyanmien b'o man é liké dan b'o le'a wunsu'n, i kwla ô!

Efɛzfuɛ Mun 2:8

Afin Nyanmien i yé b'o yôô amun'n ti o man amuan nyan amun ti i su bo an lafi'n ti. Amun ti nyanle so'n o fi'an amun bobo, Nyanmien ye man an nyaan amun tio.

Hébreu 6:4

Afin se Nyanmien man swran kun wun asé, b'o wun nyanmien su lo liké b'o bé fa men'n i fe'n, bo Nyanmien Wawe'n yô i lie wié'n,

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 21:6

Ye o sé n ke: Wa wié yô! N ti Alpha nin Oméga (*f45*), sa'n kwlaa i bô bôfue, nin i bô guafue. Swran nga nzué wé kuin'n, nh fah nzué ti bo i nun nzué'n man nguan'n i nun nzué'n men, o su yi'a nun déin.

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!

Sa nglô yile 7:17

Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.