Jean 3:5 - Nyanmien nde Ufle

⁵ Ye Jésus sé i ke: Nanwle, se swran i awulie'n fi'an nzué nin Nyanmien Wawe'n, o su kwla yô'a men nga Nyanmien sié'n i nunfue.

NYANMIƐN NDƐ'N 1998

⁵ Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Jean 3:5 ပူးပေါင်းရင်းမြစ်များ

Matthieu 18:3

Nanwle, se amuan katyiman amuan yô'a ke ba kanngan'm bé sa'n, an su yô'a men nga Nyanmien sié'n i nunfue mlonmlon.

Matthieu 19:24

Nh kanh klé amun ékun ke, chameau i dolua bue nun sinle'n ti popo tra ke anyanbéunfue kun fe i wun man Nyanmien ke o siéé'n.

Matthieu 21:31

?Ba nnyon so'n, ônin ye o yôô i si klun sa nion? Ye bé waan: Klikli nion. Ye Jésus sé bé ke: Nanwle, guabô sika défue nin téklé mmla'm béh dunh mmua fa bé wun man Nyanmien ke o sié bé amun nyrun.

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Matthieu 3:11

N lie'n, n yô amun baptême nzué'n nun ke an katyi amun nzuen'n, sannge swran ng'o ô sien b'o su ba'n, o le nyrun tra min. Min nin i ngbabua'n i suale fataman. I lie'n, o wa fa Nyanmien Wawe'n nin sin yô amun baptême.

Matthieu 5:20

Afin nh kanh klé amun ke, se amun nzuen'n wa yô'a kpa a tra'a mmla kléfue nin Pharisifue'm (*f4*) bé lie'n, an su yô'a men nga Nyanmien sié'n i nunfue mlonmlon.

Marc 10:14

Ke Jésus wuun i so'n, wa yômen i fe, nan wa sé bé ke: Anh yatyi ba kanngan'm bé nun man bé bla n sin, nanh an fuan bé, afin bé bo bé yô bé wun ke ba kanngan nga mun sa'n, bé ye Nyanmien sié béo.

Marc 16:16

Swran ng'o lafi su nan bé yô i baptême'n, oh fitéh nun, sannge ng'o lafi'a su'n béh séh ke wa di fo.

Marc 9:47

Se o nyinma'n man a yô sa te'n, tui yi. O flunman ke a fo o nyinma kun yô men nga Nyanmien sié'n i nunfue tra ke a le nyinma nnyon, nan ba tô o a yi nyrennen lika'n nun'n,

JÉSUS-CHRIST I DYASIN FE'N BO LUC KLELI'N 13:24

Anh mian amun nyin anh sin anuan fii'n nun. Afin anh nian, swran kpanngban bé klô ke béh sinh nun, sannge bé su kwla sinman.

JÉSUS-CHRIST I DYASIN FE'N BO LUC KLELI'N 13:3

Nenh i so tio, sannge se amuan katyi'a amun nzuen'n, nanwle, amun kwlaa amun wa wu ke bé lie'n sa.

JÉSUS-CHRIST I DYASIN FE'N BO LUC KLELI'N 13:5

Nenh i so tio, sannge se amuan katyi'a amun nzuen'n, nanwle, amun kwlaa amun wa wu ke bé lie'n sa.

Jean 1:13

Nyanmien wa bo bé ti'n, ba wu'a bé ke bé fa wu ba'n sa, b'o fin yasua nin bla bo bé klô ke béh nyanh ba'n, sannge Nyanmien bobo ye o wuu béo.

Jean 3:3

Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Jean 3:4

Nicodème kusu sé i ke: ?Se swran kun yô kpenngben'n oh yôh se ye béh kwlah wui ékuon? ?O kwla se i sin i nin klun nan ba wui ékun?

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 15:50

Aniaan mun, n sé ke yiô, swran wunnen b'o ô ye'n o kwla fa yô'a Nyanmien men nun lofue, i kunngba'n, liké ng'o kplo'n, o kwla katyi'a liké b'o kploman'n.

1 Korɛntfuɛ Mun 2:12

Afin é lie'n, akunndan nga swran'm bé bu'n, nenh i wié ye Nyanmien man é buo, sannge Nyanmien fe i Wawe'n maan é, ke é si liké kwlaa ng'o maan é i klun-ufué'n ti'n.

1 Korɛntfuɛ Mun 6:11

Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.

Galasifuɛ Mun 6:15

Se bé wla klen ô, ba wla'a klen ô, nenh i li ye bé niaan, nga bé nian'n yele ufle bo Nyanmien bô yé'n.

Efɛzfuɛ Mun 5:26

Afin Asonun'n ti, o fe i wun mannin nan ke o wunnziin b'o yô yeiin i nde'n ti'n, o katyi Nyanmien lie mlonmlon.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

1 Jean 2:29

An si ke Christ ti swran kpa, i so'n ti, swran kwlaa ng'o sa ng'o ti i nuan su'n, o ti Nyanmien wa.

1 Jean 5:1

Swran kwlaa ng'o lafi su ke Jésus ti Christ'n (*f1*), wuun o ti Nyanmien wa. Swran nga bé klôé'n, bé klôé nin i wa'n.