Jean 3:17 - Nyanmien nde Ufle

¹⁷ Afin Nyanmien wa sunme'en i Wa'n men'n nun ke o wa di dyole, sannge o sunmeen ke o bla nan menfue'm bé nyan bé ti.

NYANMIƐN NDƐ'N 1998

¹⁷ Afin Nyanmiɛn ɔ'a sunmɛn-mɛn i Wa'n mɛn'n nun kɛ ɔ wa di jɔlɛ, sanngɛ ɔ sunmɛnnin i kɛ ɔ bla nan mɛnfuɛ'm be ´nyan bé ti.

Jean 3:17 ပူးပေါင်းရင်းမြစ်များ

Matthieu 1:23

«Anh nian, talua b'o nian si'a bian'n o wa wunnze, oh wu ba yasua, Béh tonh i dunman Emmanuel,» bo i bô klé ke Nyanmien nin é ô nun.

Matthieu 18:10

Anh nian amun wun kpa, nanh amun yô ba kanngan nga bé ô ye'n bé nun kun finfin, afin nh kanh klé amun ke, bé ange'm bo bé ô nyanmien su lo'n bé nyin ta min Si b'o ô nyanmien su lo'n i nyrun tyen kwlaa.

Matthieu 18:11

[Afin m bo n katyii Swran'n m baa bé nga bé mlinnin'n bé ti déle.]

JÉSUS-CHRIST I DYASIN FE'N BO LUC KLELI'N 19:10

afin m bo n katyii Swran'n m baa bé bo bé mlinnin'n bé kunndele o nin bé déle.

JÉSUS-CHRIST I DYASIN FE'N BO LUC KLELI'N 9:56

Nan ba o klo ufle su.

Jean 1:29

Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

Jean 10:36

?Se o ti so'n, m bo Nyanmien fa min sié ke n di i dyunman'n b'o sunmaan min men'n nun'n, ke n sé ke n ti Nyanmien Wa'n, nzu ti ye an sé ke n satyi Nyanmien dunmaan?

Jean 11:42

N si ke a ti min nde'n titi, sannge sa nga ti ye n sé so'n, n sé so nan swran nga bé sin yia min ye'n, bé lafi su ke wo ye a sunmaan mion.

Jean 17:18

Ke a fa sunmaan min men'n nun'n, n kusu n fa sunmaan bé men'n nun so.

Jean 17:21

N Si, nh sreh o ke bé katyi swran wunmuan, ye bé nin é é yô swran wunmuan ke min nin o é ti swran wunmuan'n sa nan men nunfue'm bé lafi su ke wo ye a sunmaan mion.

Jean 17:23

Man min nin bé é yô swran wunmuan, ke min nin o é ti swran wunmuan'n sa nan bé katyi swran wunmuan mlonmlon. Mon o yô so nan men nunfue'm bé si ke wo ye a sunmaan mion, ye a klô bé ke a fa klô min'n sa.

Jean 17:25

N Si bo a ti swran kpa, men nunfue'm bé simon, sannge n si o, ye bé nga bé ô ye'n, bé si ke wo ye a sunmaan mion.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 17:8

afin nde nga a kan kléé min'n, n kan kléé bé, bé faa su. Ba wun i wle wéiin ke n fin o wun lo, ye ba lafi su ke wo ye a sunmaan mion.

Jean 20:21

Ye o sé bé ékun ke: Anh gua amun wla asé! Ke n Si fa sunmaan min'n, n kusu nh fah sunman amun so.

Jean 3:34

afin swran nga Nyanmien sunmenniin'n, Nyanmien nde'n ye o kaan, i Wawe'n b'o fa men b'o nie'en i sin'n ti.

Jean 5:36

Lalôfue nga n le'n i nde b'o kan'n ti dan tra aye nga Jean yii min'n, afin liké nga n Si klé n ke n yô'n, bo n yô bé'n, o klé ke n Si ye o sunmaan mion.

Jean 5:38

An fe'e i nde'n su, yele ke an lafi'a swran ng'o sunmenniin'n su.

Jean 5:45

Nanh an bu i ke min ye nh kanh amunh wun nde klé n Sio, Moïse su sakpa'n, wuun amunh lafih n su wié,

Jean 6:29

Jésus sé bé ke: Liké nga Nyanmien klô ke an yô'n, i waan anh lafi swran b'o sunmenniin'n su.

Jean 6:38

afin n fin nyanmien su lo bali, man ba'a m bobo n klun sa yôle, sannge swran ng'o sunmaan min'n, i klun sa ye n yôo.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 6:57

Ke n Si b'o ti anannganman'n sunmaan min'n, bo i ti ye n wô le'n, swran nga kusu b'o di min nnen'n, n ti oh tranh le.

Jean 7:29

M bobo n sii, i wun lo ye n fion, i ye o sunmaan mion.

Jean 8:11

Ye i waan: Een, Ndya. Ye Jésus sé i ke: N kusu, n sé'a ke bé kun o. Ko, sannge nanh yô so kun].

Jean 8:42

Jésus sé bé ke: Se Nyanmien ti amun Si sakpa'n, wuun amunh klôh n sa, afin n fin Nyanmien wun lo, i dunman nun ye n wô waa. Nanh n tiaun ye m balio, i ye o sunmaan mion.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.