Jean 21:17 - Nyanmien nde Ufle

¹⁷ O use i kpe kun ékun ke: ?Jean wa Simon, a klô min? I kpe nsan su lie'n b'o uselii'n, o yôli Pierre ya ye o sé ke: Nannan, a si sa'n kwlaa, a si ke n klô o. Jésus sé i ke: Nian m bua'm bé lika.

NYANMIƐN NDƐ'N 1998

¹⁷ Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

Jean 21:17 ပူးပေါင်းရင်းမြစ်များ

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Marc 14:72

I ôsu kunngba'n nun ye ako nyinman'n bôli i kpe nnyon su lie nion, ye Pierre wla kpeen nde nga Jésus kan klélii ke, o wa sé ke o simen so kpe nsan, nan ako'n wa bô'n, i suo. Ye o too sunle suo.

Jean 12:8

Amun nin yalefue mun ye amunh kah wa titio, sannge n lie'n, min nin amun su tra'an wa titi.

Jean 13:38

Jésus use i ke: ?N ti, an foh o wun man sakpa? Nanwle, a wa sé ke a si'a min so kpe nsan nan ako nyinman'n wa bô.

Jean 14:15

Se an klô min'n amunh fah min nde'n su.

Jean 15:10

Se an fa min nde'n su'n, amunh sih ke n klô amun tititi. Ke n fa n Si nde'n su soo, o man n si ke o klô min tititi.

Jean 16:30

Sien'n ya wun i wle ke a si sa'n kwlaa, o ti'a bo bé uso o sa kuon. I so'n ti ye é lafi su ke Nyanmien ye o sunmaan o nion.

Jean 18:27

Pierre sé ékun ke o simen. Kpekuun ye ako nyinman'n bôlio.

Jean 18:4

Jésus b'o si sa kwlaa nga bé su wa yôé'n, o wunngé bé wun le o usaa bé ke: ?An su kunnde wan?

Jean 21:18

Nanwle, ke a te yô gbanflen'n, o bobo a fo o kplô'n tyi o bô, a ko lika nga a klô'n, sannge ke a kô yô kpenngben'n, ah tinngeh o sa'n swran wié ye oh foh o kplô'n tyi o bôo, oh foh o ko lika nga a klôman'n.

Jean 4:16

O sé i ke: Kô fle o wun nan anh bla.

Sa nga bé yôli'n 1:24

Ye bé kan klé Nyanmien ke: Nannan Nyanmien Kpli, o bo a si swran'n kwlaa bé akunndan'n, swran nnyon nga, klé é bé nun kun nga a felii'n,

Sa nga bé yôli'n 11:10

O yôô so lélé kpe nsan, i sin bé man liké so'n kwlaa su oo nyanmien su ékun.

Sa nga bé yôli'n 15:8

Nyanmien b'o si swran'n kwlaa bé awlen'n nun'n, o fe i Wawe'n maan bé ke o fa maan yé'n sa, b'o klé ke wa so bé nun.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

Efɛzfuɛ Mun 4:30

Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

1 Piɛr 1:6

I so'n ti, kannze ke é sé ye'n, sa fanunfanun b'o to amun su'n ti amun wla bô lé nnyon kun'n, man amun klun dyo. Sa so'n b'o to amun su'n, o ti su,

2 Piɛr 3:1

N swran kpa mun, n fluwa bo n kle ble amun'n i nnyon su'n ye. Fluwa so'n i nnyon'n nun, n kpeen amun wla ke man amun akunndan tran sa nga an si bé laa'n bé su, nan an bu akunndan kpa.

Sa nglô yile 2:23

Nh kunh i mma mun, o man asonun'n kwlaa béh sih ke min ye n si swran'm bé akunndan'n nin sa ng'o ô bé klun lo nion. Liké nga an yôli'n, nh fah swran kun lie ng'o yôli'n i nuan liké men.

Sa nglô yile 3:19

Bé kwlaa nga n klô bé sa'n, n idyo bé, n tu bé fo. I so'n ti, anh yatyi amun nyrun kôuun yôle'n, anh katyi amun nzuen'n.