Jean 20:26 - Nyanmien nde Ufle

²⁶ Ke o dii lé motyue'n, Jésus sonnzonfue'm bé ô sua lo ékun, Thomas nin bé ye bé ô leo, ba nyin bé sin anuan, sannge Jésus wluu lo o dyran bé afien le, o sé bé ke: Anh gua amun wla asé!

NYANMIƐN NDƐ'N 1998

²⁶ Kɛ ɔ dili le mɔcuɛ'n, Jésus sɔnnzɔnfuɛ'm be o sua lɔ ekun, Tomas nin be yɛ be o lɛ-ɔ, b'a nyin bé sin anuan, sanngɛ Jésus wluli lɔ ɔ jrannin be afiɛn lɛ, yɛ ɔ seli be kɛ: «Man amun wun jɔ amun fɔuun!»

Jean 20:26 ပူးပေါင်းရင်းမြစ်များ

Matthieu 17:1

Ke o dii lé nsien'n, Jésus faa Pierre nin Jacques ye i niaan bian Jean, nan ba o bé ngunmin ôka nglônglô kun su.

Marc 16:14

I kasien su ke i sonnzonfue blu-nin-kun'n bé ô alie'n sin'n, o fe i wun kléé bé, nan wa idyo bé i su bo bé lafiman'n, nin kétéle bo ba kété'n bo ba fa'a bé nga bé wunniin ke o tyennin'n bé nde'n su'n ti.

JÉSUS-CHRIST I DYASIN FE'N BO LUC KLELI'N 24:36

Bé nuan'n bo te ô nde so'n su, kpekuun i bobo a kpen bé afien le, [o sé bé ke: Anh gua amun wla asé.]

JÉSUS-CHRIST I DYASIN FE'N BO LUC KLELI'N 9:28

Ke Jésus kaan nde so'n b'o di lé motyue kun'n, o faa Pierre nin Jean, ye Jacques, bé fu ôka kun su ke o nin Nyanmien bé kô kôkô yale.

Jean 11:16

I so'n ti, Thomas bo bé flee Nda'n, o séé i wiéngu sonnzonfue nga'm bé ke: Man é kusu é wo wié nan bé kun é ngba.

Jean 14:27

M man amun wun dyoh amun fouun, ye amunh dih aladyé ke min sa. Aladyé nga men nunfue'm bé yra bé nuan ke swran di'n, o nin n lie'n ti'a kun. Nanh amun wla bô, nanh sre kun amun.

Jean 20:19

Lé kunngba so'n i nnosua nun, Juif'm bé wun sre ti i sonnzonfue'm bé nyiin bé sin anuan. Sa so'n yôli monnen'n b'o ti lé motyue'n i tyen ba klikli'n. Jésus wluu lo o dyran bé afien le, o sé bé ke: Anh gua amun wla asé!

Jean 20:21

Ye o sé bé ékun ke: Anh gua amun wla asé! Ke n Si fa sunmaan min'n, n kusu nh fah sunman amun so.

Jean 21:1

Ke o yôô so'n, i sin Jésus fe i wun kléé i sonnzonfue mun ékun Tibériade fete'n nuan lo. Anh nian i wun wafa ng'o yi kléé bé'n ye.

Jean 21:14

Ke Jésus tyennin'n, i kpe nsan su b'o fe i wun klé i sonnzonfue mun'n ye.

Sa nga bé yôli'n 1:3

Ke o wun nyrennen b'o wuli'n, o fe i wun kléé bé wéiin kpa wafa kpanngban nun ke wa tyen. Ke o fe i wun klé bé so lé ablanan'n, o kan Nyanmien siéle'n i nde klé bé.