Jean 20:25 - Nyanmien nde Ufle

²⁵ I so'n ti, bé nga'm bé séé i ke: Ya wun é Min'n. Sannge o sé bé ke: Se man wu'en i sa klun kpengbe ôsu'n, se man fa'a n sama a wla'a kpengbe ôsu so'n nun'n, ye se man fa'a n sa a wle'e i nven nun lie'n i ôsu nun'n, n fe'e mlonmlon.

NYANMIƐN NDƐ'N 1998

²⁵ I sɔ'n ti'n, be nga'm be seli i kɛ: «Y'a wun e Min'n.» Sanngɛ ɔ seli be kɛ: «Sɛ m'an wun-mɛn i sa klun kpɛngbɛ osu'n, sɛ m'an fa-man n sama a wla-man kpɛngbɛ'n i osu sɔ nun'n, yɛ sɛ m'an fa-man n sa a wlɛ-mɛn i nvɛn nun liɛ'n i osu nun'n, n fɛ-mɛn i mlɔnmlɔn.»

Jean 20:25 ပူးပေါင်းရင်းမြစ်များ

Matthieu 27:42

O déé swran wié mun, sannge o kwla dé'e i bobo wun. O ti Juif'm bé famien! Mon o fin waka'n su dyra, ye éh lafih i suo.

Marc 16:11

Ke bé tii i ke o tyennin nan o wunniin'n, ba lafi'e i su.

Marc 16:13

Bé kusu bé sa bé sin bé wa kan kléé bé wiéngu mun, ba lafi'a bé su ékun.

Marc 16:14

I kasien su ke i sonnzonfue blu-nin-kun'n bé ô alie'n sin'n, o fe i wun kléé bé, nan wa idyo bé i su bo bé lafiman'n, nin kétéle bo ba kété'n bo ba fa'a bé nga bé wunniin ke o tyennin'n bé nde'n su'n ti.

JÉSUS-CHRIST I DYASIN FE'N BO LUC KLELI'N 24:25

Ye Jésus sé bé ke: An wu'an sa wle, ye nde nga Nyanmien nuan idyofue'm bé kannin'n, an ka le fe'e i ngba su!

Jean 1:41

O kô tôô i niaan Simon, o sé i ke: Ya wun Messie'n bo i bô yele Christ'n (*f1*).

Jean 20:27

Ye o sé Thomas ke: Fo o sama'n bla, nian n sa'n, fo o sa'n bla wa ékun fa wla n nven nun lie'n i ôsu'n nun, nanh yô swran b'o lafi'a sa suo, sannge lafi su!

Jean 21:7

Ye sonnzonfue nga Jésus klôé'n o sé Pierre ke: É Min nion! Ke Simon Pierre tii ke é Min'n, o fe i trale'n bleblee i bô, afin i wun ti kplen, nan wa to nzué'n nun.

Jean 6:30

O man bé usee i ékun ke: ?Atre ônin ye ah yih klé é bo éh wuinh nan ya lafi o suo? ?Nzu liké ye a wa yôo?

Hébreu 3:12

Aniaan mun, i so'n ti anh nian amun wun, nanh man amun nun wié i awlen'n yô te, ye o yô ke o lafi'a Nyanmien su, b'o man o yatyi Anannganman Nyanmien nion.

Hébreu 3:18

?Ye wan mun ye Nyanmien ta bé nda ke bé su dyu'e i lika nga bé di aladyé lo nun nion? ?Nanh bé nga bé yô nyin kéklé i su muon?