Jean 20:22 - Nyanmien nde Ufle

²² Ke o kaan nde so'n, o fitaa bé su nan wa sé bé ke: Anh so Nyanmien Wawe'n nun.

NYANMIƐN NDƐ'N 1998

²² Kɛ ɔ kannin ndɛ sɔ'n, ɔ fitali bé su nan ɔ'a se be kɛ: «An `sɔ Nyanmiɛn Wawɛ'n nun.»

Jean 20:22 ပူးပေါင်းရင်းမြစ်များ

Jean 14:16

Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 16:7

Sannge i nanwle ye n di klé amuon, se n ko'n, o ti kpa, afin se man oman'n, Swran ng'o wa uka amun'n o su baman, sannge se n ko'n, m man oh bah.

Jean 20:21

Ye o sé bé ékun ke: Anh gua amun wla asé! Ke n Si fa sunmaan min'n, n kusu nh fah sunman amun so.

Jean 20:23

Bé nga an yatyi bé wun sa'n tye bé'n, Nyanmien yatyih tye bé, ye bé nga an yatyi'a bé wun sa'n tye'a bé'n, bé wun sa lie'n kah bé wun.

Jean 7:39

Sa ti b'o séé so'n yele Nyanmien Wawe'n bo bé nga bé wa lafi i su'n béh nyenh'n. Ke oh yôh so'n, wuun Nyanmien nian fe'e i Wawe'n nian manman, afin o nian yi'a Jésus i wafa ng'o ti'n i nglô.

Sa nga bé yôli'n 10:47

Ye Pierre maan nde'n su ékun ke: ?Bé nga Nyanmien fe i Wawe'n maan bé ke é lie'n sa'n, é kwla sé bé ke, nanh man bé yô bé baptême nzué'n nun?

Sa nga bé yôli'n 19:2

O wuun Jésus sonnzonfue wié mun lo, o usaa bé ke: ?Ke an lafii Jésus su'n, amuan nyan Nyanmien Wawe'n? Ye bé sé i ke: É nian ti'e lé mlonmlon ke Nyanmien Wawe ô le.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 2:4

Nyanmien Wawe'n too bé su, o fa bé katyi i lie mlonmlon, kpekuun bé su kan anien ufle wié bo Wawe'n fa wla bé nuan ke bé kan'n.

Sa nga bé yôli'n 4:8

Ye Pierre bo Nyanmien Wawe'n siéé'n, o sé bé ke:

Sa nga bé yôli'n 8:15

Ke bé dyuu lo'n, bé séé Nyanmien ke o fe i Wawe'n man bé.

Galasifuɛ Mun 3:2

Sa kunngba nga n klô ke nh wusah amun'n yele ke: ?Mmla'n bo an fa su'n ti ye Nyanmien fe i Wawe'n maan amuon, annze dyasin fe'n bo an tili an fa su'n ti ye o fe maan amuon?