Jean 20:17 - Nyanmien nde Ufle

¹⁷ Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

NYANMIƐN NDƐ'N 1998

¹⁷ Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Jean 20:17 ပူးပေါင်းရင်းမြစ်များ

Matthieu 12:50

Afin swran ng'o yô n Si b'o ô nyanmien su lo'n i klun sa'n, i ye o ti min niaan bian, nin min niaan bla, nin min nin nion.

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Matthieu 28:7

nan anh wo trelele kô kan klé i sonnzonfue mun ke wa tyen. Wa dun mmua amun nyrun Galilée lo, lo ye amunh wunh io. Ye man kan klé amun leo.

Marc 12:26

?Bé nga bé wuli bé tyenle'n i wun nde lie'n, amuan kannga'an Moïse i fluwa'n b'o kle waka kpuye'n i wun nde'n nun'n i nun lé? O klee ke: «N ti Abraham, nin Isaac, nin Jacob bé Nyanmien.»

Marc 16:19

Ke é Min'n kan nde so'n kléé bé'n, Nyanmien meen i su oo nyanmien su lo, o traan asé i fama su.

JÉSUS-CHRIST I DYASIN FE'N BO LUC KLELI'N 10:4

Ke amunh koh'n, nanh an fa pata, nanh an fa tro, nin ngbabua, nanh an yô swran liké atin'n nun.

Jean 13:1

Jésus si ke i men'n nun wa tule'n nin i Si sin kole'n wa dyu, i sin nan ba bô Pâque (*f17*) dile'n i bô. Ke o fin i bôbôle nun'n, Jésus klô ifue nga bé ô men'n nun'n, o klô bé lélé gue i ti nin i bô.

Jean 13:3

Jésus bobo si wéiin ke i Si faa liké'n kwlaa wle i sa nun, o si ke o fin i Si Nyanmien wun lo, ye o su wa ko lo ékun.

Jean 14:2

N Si i awlô lo tranwle'n sonnin, n su kô siésié lika man amun. Se o ti'a so'n, wuun man kan klé'a amun.

Jean 14:28

An tii i ke n séli amun ke: N su ko, sannge mh bah amun wun wa ékun. Se an klô min'n, wuun ke n su ko é Si si'n, amun klun dyoh, afin é Si'n le nyrun tra min.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 16:28

N fi é Si'n wun lo ye m balio. Sien'n n su dyaô men nga nun nh koh i wun lo ékun.

Jean 17:11

N nu'an men'n nun wa kun, sannge bé lie'n bé te ô wa, n kusu n su ba o sin. N Si bo o nzuen'n nin klo swran lie'n ti'a kun'n, o dunman'n b'o ô n su'n ti, nian bé su. Man bé yô swran wunmuan ke min nin o é ti swran wunmuan'n sa.

Jean 17:25

N Si bo a ti swran kpa, men nunfue'm bé simon, sannge n si o, ye bé nga bé ô ye'n, bé si ke wo ye a sunmaan mion.

Jean 17:5

I so'n ti sien'n, n Si, nyrun nga ke n wô o wun lo'n n le'n nan w'a yi men'n, man n nyan nyrun kunngba so'n o wun lo ékun.

Jean 20:27

Ye o sé Thomas ke: Fo o sama'n bla, nian n sa'n, fo o sa'n bla wa ékun fa wla n nven nun lie'n i ôsu'n nun, nanh yô swran b'o lafi'a sa suo, sannge lafi su!

Jean 7:33

Jésus sé ke: N te ô amun wun wa kan, o yô kan'n, nh koh swran ng'o sunmaan min'n i sin.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

2 Korɛntfuɛ Mun 6:18

Nh yôh amun si, Ye amun kusu amunh yôh n wa yasua nin n wa bla. Ke é Min Nyanmien Kpli'n sé soo.»

Galasifuɛ Mun 3:26

Afin Christ-Jésus bo an lafi i su'n ti, amun kwlaa an ti Nyanmien wa.

Hébreu 11:16

Ba yô'a so, sannge bé kunnde nvlé nga i kpa tra nvlé so'n, yele nyanmien su lo lie'n. I so'n ti, ke bé sé ke o ti bé Nyanmien'n, nyannzuen kunmen, afin wa yô klo kun a sié bé.

Hébreu 8:10

É Min'n sé ke: Nian sa nga n waan tyen wié lélé nh yôh Man Israël ôsufue mun'n ye: M man min mmla'n tranh bé klun, Ye nh fah kle bé awlen'n nun. Nh yôh bé Nyanmien, Ye bé kusu béh yôh n swran

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

Sa nglô yile 21:3

N tii swran kun nen kéklé kpa bia'n wun lo, o sé ke: Sien'n Nyanmien tranwle'n wô swran'm bé afien! O nin béh tranh, béh yôh i swran, ye i bobo yôh bé Nyanmien.

Sa nglô yile 21:7

Swran ng'o kwla'n, sa nga nh yôh men'n ye: Nh yôh i Nyanmien ye oh yôh n wa.