Jean 19:6 - Nyanmien nde Ufle

⁶ Ke Nyanmien nyrun dyranfue dandan nin sôndya'm bé wunniin'n, bé kpan sé ke: Bôbôé waka'n su! Bôbôé waka'n su! Pilate sé bé ke: An bobo anh fe kô bôbôé, afin n lie'n, n wu'en i wun nde kun nga n dyran su fa bu i fo'n,

NYANMIƐN NDƐ'N 1998

⁶ Kɛ Nyanmiɛn nyrun jranfuɛ dandan mun nin sonja'm be wunnin i'n, be kpan seli kɛ: «Bobo i waka'n su! Bobo i waka'n su!» Pilat seli be kɛ: «An bɔbɔ an `fɛ i ko bobo i, afin n liɛ'n, n wun-mɛn i wun ndɛ kun nga n ´jran su n ´fa bu i fɔ-ɔ.»

Jean 19:6 ပူးပေါင်းရင်းမြစ်များ

Matthieu 26:58

Pierre su i su lélé bé dyuu Nyanmien nyrun dyranfue dan'n i awlô lo, sannge o mentenmen. O wluu lo, o nin sua sunianfue'm bé tran le ke o nian ke nde so'n oh fah kpe'n.

Matthieu 27:22

Pilate usa bé ke: ?Ye n yô Jésus bo bé flee Christ'n i se? Bé kwlaa bé waan: Man bé bôbôé waka'n su!

Matthieu 27:24

Ke Pilate wuun ke o su kwla yô'a sa fi bo alôwa'n yô dan tra su'n, o fa nzué wunnziin i sa swran'm bé nyrun le, o sé ke: Swran nanwlefue nga i kunle'n, n lie nu'an nun, amun bobo amun ndeo.

JÉSUS-CHRIST I DYASIN FE'N BO LUC KLELI'N 23:4

Pilate sé Nyanmien nyrun dyranfue dandan nin swran nga bé yiaa le'n bé ke: N wu'an sa te fi bian nga wun.

Jean 18:3

O man Judas faa sôndya nin Nyanmien sua dan'n nun sôndya nga Nyanmien nyrun dyranfue dandan nin Pharisifue'm (*f4*) bé yii bé'n bé oo lo. Kannin, nin te, nin kaka, nin klonman ô bé sa nun.

Jean 18:31

O man Pilate sé bé ke: An bobo anh fe kô yôé ng'o ti amun mmla'n su'n. Juif'm bé sé i ke: É bobo é le'a atin ke é kun swran.

Jean 18:38

Pilate use i ke: Nanwle'n yele nzu? Ke i nuan toli'n, o fité oo Juif'm bé wun lo ékun, o sé bé ke: N wu'en i wun nde kun bo n dyran su fa bu i foo.

Jean 19:15

Sannge bé kpan sé ke: Bé kuin! Bôbôé waka'n su! Pilate usa bé ke: ?M bôbô amun famien'n? Nyanmien nyrun dyranfue dandan'm bé sé ke: É le'a famien ufle fi san César kunngba tye.

Jean 19:4

Pilate fité ékun o wa sé Juif'm bé ke: Anh nian, m ma fe ble amun guasu wa nan an wun ke man wu'en i wun nde kun bo n dyran su fa bu i foo.

Sa nga bé yôli'n 2:23

Ke Nyanmien bobo dun mmua buu i akunndan b'o sié i ke bé fa bian so'n man swran mun'n, amun man bé bo bé sro'a Nyanmien'n bé bôbôlii waka'n su, bé kunniin.

Sa nga bé yôli'n 7:52

?Nyanmien nuan idyofue ônin ye amun nannan'm ba klé'a bé yaleo? Bé kunnin bé nga bé dun mmua kaan Nanwlefue'n i bale nde'n, i ye an fe maan swran mun bo bé kunniin nion.