Jean 19:30 - Nyanmien nde Ufle

³⁰ Ke Jésus tafii su'n, o sé ke: Wa wié. Kpekuun o ken i ti asé, ye o kaa nuon.

NYANMIƐN NDƐ'N 1998

³⁰ Kɛ Jésus tafili su'n, ɔ seli kɛ: «I kwlaa ɔ'a wie.» Kpɛkuun ɔ kɛnnin i ti ase, yɛ ɔ kali nun-ɔn.

Jean 19:30 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Matthieu 27:50

Jésus kpaan kéklé kpa ékun, nan wa wu.

Matthieu 3:15

Jésus séé ke: Yatyi, yô nde lie'n afin o ti i nuan su ke é yô sa kwlaa ng'o ti Nyanmien klun su'n. Ye Jean yôlio.

Marc 15:37

Ye Jésus kpannin kéklé kpa nan wa wu.

JÉSUS-CHRIST I DYASIN FE'N BO LUC KLELI'N 22:37

Afin nanwle, min wun nde nga bé klelii ke: «Bé ke wlaa sa te yôfue'm bé nun'n,» san oh kpenh su. Ye min wun nde'n kwlaa o su wa wié su kpen.

JÉSUS-CHRIST I DYASIN FE'N BO LUC KLELI'N 23:46

Jésus kpaan kéklé kpa o sé ke: «N Si, wa fa min ô.» Ke i nuan too tye'n ye o kaa nuon.

Jean 10:11

N lie'n, n ti bua tafue kpa, bua tafue kpa'n fe i wun tô i bua'm bé ti.

Jean 10:18

Swran fi kwla kpe'a min nguan'n i sin, m bobo n klun su ye n fa min wun maan. N kwla fa min wun man, ye n kwla nyan nguan ékun. Afin i so ye n Si kan kléé n ke n yôo.

Jean 17:4

M man a nyaan komin asie'n su wa, ye dyunman nga a maan n ke n di'n, n wiéli i di.

Jean 19:28

Ke o yôô so'n, Jésus si ke liké kwlaa ng'o bee i yôle'n wa wié yô, sannge ke o yô nan Nyanmien Nde nga bé kleli'n wa kpen su'n ti, o sé ke: «Nzué wé kun min.»

Jean 4:34

Jésus sé bé ke: Min alie'n yele swran ng'o sunmaan min'n i klun sa yôle, nin dyunman ng'o maan min'n i bô guaguale.

Rɔmfuɛ Mun 10:4

Afin bé kwlaa nga bé lafi Christ su'n, wa nunnun mmla i su fale wafa nga bé bu i ke se bé yô so'n ye béh yôh swran kpa'n.

Rɔmfuɛ Mun 3:25

Ke o yô nan ya si ke Nyanmien ti kpa'n, o fa Jésus maan é ke é fa yi é ti te, nan ke bé kô kuin'n, bé bo bé lafi i su'n, sa te nga bé yôli'n, Nyanmien yatyi tye bé i mmôdya'n ti. Afin laa sa nga bé yôlii'n, o blu su.

1 Korɛntfuɛ Mun 5:7

Anh gua kpaun ayré laa'n i asé, nan an yô kpaun ufle. Afin an ti ke kpaun bo ba gua'a nun ayré sa, ye ba kun Christ b'o ti ke é Pâque (*f17*) bua sa'n.

Filipfuɛ Mun 2:8

Ke o katyii i wun swran so'n, o yô i wun aénvue, o yô ainyiefue lélé o fa wuli, waka'n su ye o wulio.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Hébreu 9:22

Bé klee mmla'n nun ke, bé fa mmôdya bô ninngé'm bé kpanngban lika kpa bé wun asô, o man se bé ku'an nnen bo i mmôdya guaman'n, Nyanmien yatyi'a bé wun sa'n tye'a bé.