Jean 17:6 - Nyanmien nde Ufle

⁶ Bé nga a fa bé men'n nun maan min'n, m man bé silio. Bé ti o lie, ye a fa bé maan mion, ye bé fali o nde'n su.

NYANMIƐN NDƐ'N 1998

⁶ Be nga a fa be mɛn'n nun mannin min'n, n yoli man be sili wɔ. Be ti ɔ liɛ yɛ a fa be mannin min-ɔn, yɛ be fali ɔ ndɛ'n su.

Jean 17:6 ပူးပေါင်းရင်းမြစ်များ

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 12:28

N Si, yô mon o dunman'n fu. Ke o yôô so'n, bé ti swran kun nen nyanmien su lo, o sé ke: Man dun mmua yô man n dunman'n wa fu, ye m man o wa fu ékun.

Jean 15:19

Se an ti men nga nunfue wié'n, wuun bé klô amun yele ke an ti béfue. Sannge n faa amun, n yi amun men nunfue'm bé nun, i ti ye man bé kpo amuon.

Jean 15:3

Nde nga n kan kléé amun'n ti, amuan yô kpa.

Jean 15:7

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Jean 17:12

Ke min nin bé te ô wa'n, o dunman'n b'o ô n su'n ti, n niaan bé su. N kplaa bé wun, bé wié fi a mlinman, san swran nga bé siéé i lie'n so'n i tye, o yôli so nan Nyanmien Nde nga bé kleli'n o kpen su.

Jean 17:14

N kan o nde'n kléé bé, o man men nunfue'm bé kpo bé, afin bé ti'a men nunfue ke n kusu n ti'a men nunfue'n sa.

Jean 17:16

Bé ti'a men nunfue ke n kusu n ti'a men nunfue'n sa.

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Jean 17:26

M man bé sili o, ye m man bé wa si o ékun nan klôle nga a fa klôli min'n, bé si ke a klô bé so wié, ye min nin bé ya yô swran wunmuan.

Jean 17:7

Sien'n ba wun i wle wéiin ke liké kwlaa nga a maan min'n, bé fin o sa nun sakpa,

Jean 18:9

O ken i so nan o kpen nde ng'o keen i ke: «Bé nga a fa bé maan min'n, bé wié fi a mlinman'n» su.

Jean 6:37

Swran kwlaa nga n Si fa bé man min'n béh bah n sin, o man swran ng'o ba n sin'n, n su fuenmen,

Jean 6:39

Anh nian, swran ng'o sunmaan min'n, i liké nga i waan n yô'n ye, i waan swran kwlaa ng'o fa bé maan min'n, nanh m mlin bé nun kun sa, sannge n tyen bé men'n i awiélie.

Jean 8:51

Nanwle, swran ng'o fa min nde'n su'n, o wu wa'a mlonmlon.

Jean 8:52

Juif'm bé sé i ke: Sien'n, ya wun i wle kpa ke liké wié su o su. Abraham wuli, Nyanmien nuan idyofue'm bé wuli, sannge o li o waan, swran ng'o fo o nde'n su'n, o su wu'a mlonmlon.

Sa nga bé yôli'n 13:48

Ke bé bo bé ti'a Juif'n bé tii i so'n bé klun dyoli, bé laa é Min Nyanmien'n i asé i nde'n ti, ye bé kwlaa nga Nyanmien fali bé ke bé nyan anannganman nguan'n, bé faa su.

Rɔmfuɛ Mun 11:2

Nyanmien swran'm b'o dun mmua sii bé'n, wa yi'a bé blô. ?Nyanmien Nde nga bé klee ke, Élie sanmaan Israëlfue mun Nyanmien dyasu'n, an si'a nde so'n? Bé klee nde so'n ke:

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

2 Timote 1:13

Fa nde nanwle nga n kan kléé wo'n su nian su yô, afin swran wunmuan bo é nin Christ-Jésus ti'n ti é lafi Nyanmien su, é klô Nyanmien nin swran.

Hébreu 2:12

Afin o sé ke: «Nyanmien, mh bôh dunman klé n niaan mun, Nh tôh dyué m bô fle o anyia'n nun.»

Hébreu 3:6

Christ kusu, ke o ti i Wa'n, o nien i bobo i awlô'n su kpa so. Se é tra é awlen dyran kéklé lafi liké nga é wla ô su ke éh nyenh'n su kpa'n, é ti i awlô.

1 Piɛr 1:1

M Pierre bo Jésus-Christ sunmaan min'n, nh kleh fluwa nga ble amun bo Nyanmien faa amun bo an sanndili man an ti aôfue Pont, nin Galatie, nin Cappadoce, nin Asie, nin Bithynie men'n nun'n.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 2:13

N si amun tranwle'n, lo ye Satan (*f6*) i bia'n wôo. Sannge o nin i so'n ngba, an fa amun wun mantan n kpa. I nun nga bobo bo bé kuun Antipas b'o kan min nde'n tititi'n, amun wun lo lika nga Satan tran lo'n, amuan yi'a amun wla n su.

Sa nglô yile 3:10

An fa nde bo n kan kléé amun ke an tra amun awlen'n su. O man ke sa kéklé toh men wunmuan'n su swran'n kwlaa bé sa nianle'n ti'n, n kusu nh sasah amun.

Sa nglô yile 3:8

N si amun nyôlie'n. Liké nga an kwle i yô'n, o ti kaan, sannge o nin i so'n ngba, amuan fa min nde'n su, amuan fia'a n dunman'n su. I so'n ti, man tiké anuan man man amun, swran fi kwla nyinman.