Jean 17:25 - Nyanmien nde Ufle

²⁵ N Si bo a ti swran kpa, men nunfue'm bé simon, sannge n si o, ye bé nga bé ô ye'n, bé si ke wo ye a sunmaan mion.

NYANMIƐN NDƐ'N 1998

²⁵ Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Jean 17:25 ပူးပေါင်းရင်းမြစ်များ

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Matthieu 16:16

Simon Pierre sé ke: A ti Christ, Anannganman Nyanmien'n i Wa.

JÉSUS-CHRIST I DYASIN FE'N BO LUC KLELI'N 10:22

N Si ye o fa liké'n kwlaa maan mion. Swran fi si'a Nyanmien Wa'n, san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke o fe i Si kléé'n, bé ye bé si io.

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 15:21

N ti ye béh yôh amun sa so'n kwlaaa, afin bé si'a swran b'o sunmaan min'n.

Jean 16:27

afin é Si'n bobo klô amun. O klô amun yele ke an klô min, ye an lafi su ke Nyanmien ye o sunmaan mion.

Jean 16:3

Béh yôh amun so yele ke bé si'a min nin é Si'n.

Jean 16:30

Sien'n ya wun i wle ke a si sa'n kwlaa, o ti'a bo bé uso o sa kuon. I so'n ti ye é lafi su ke Nyanmien ye o sunmaan o nion.

Jean 17:11

N nu'an men'n nun wa kun, sannge bé lie'n bé te ô wa, n kusu n su ba o sin. N Si bo o nzuen'n nin klo swran lie'n ti'a kun'n, o dunman'n b'o ô n su'n ti, nian bé su. Man bé yô swran wunmuan ke min nin o é ti swran wunmuan'n sa.

Jean 17:18

Ke a fa sunmaan min men'n nun'n, n kusu n fa sunmaan bé men'n nun so.

Jean 17:21

N Si, nh sreh o ke bé katyi swran wunmuan, ye bé nin é é yô swran wunmuan ke min nin o é ti swran wunmuan'n sa nan men nunfue'm bé lafi su ke wo ye a sunmaan mion.

Jean 17:23

Man min nin bé é yô swran wunmuan, ke min nin o é ti swran wunmuan'n sa nan bé katyi swran wunmuan mlonmlon. Mon o yô so nan men nunfue'm bé si ke wo ye a sunmaan mion, ye a klô bé ke a fa klô min'n sa.

Jean 17:3

Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 17:8

afin nde nga a kan kléé min'n, n kan kléé bé, bé faa su. Ba wun i wle wéiin ke n fin o wun lo, ye ba lafi su ke wo ye a sunmaan mion.

Jean 3:17

Afin Nyanmien wa sunme'en i Wa'n men'n nun ke o wa di dyole, sannge o sunmeen ke o bla nan menfue'm bé nyan bé ti.

Jean 6:19

Ke bé oli bé dyuu kilo nnun annze nsien, bo bé wun ke Jésus su nanti nzué'n su ba alié'n wun le'n, sre kuun bé.

Jean 7:29

M bobo n sii, i wun lo ye n fion, i ye o sunmaan mion.

Jean 8:19

I so'n ti, bé use i ke: ?O Si'n wô nin? Jésus sé bé ke: An si'a min nin n Si'n. Se an si min'n, wuun an si n Si kusu.

Jean 8:55

Sannge an simen, n lie'n, n sii. Se n sé ke n simen'n, wuun n ti atô buafue ke amun sa. Sannge n sii, ye n fe i nde'n su.

Sa nga bé yôli'n 17:23

Afin, ke nh sinh'n, n wun ninngé bo an so bé'n, ye n wuun liké sowle kun bo an klee su ke: Liké wié bo é simen'n, i lieo. Liké nga an soe sannge an simen'n, i nde ye m ma kan klé amun nion.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 1:28

Ke bé nyin kpaa Nyanmien su'n, i kusu yii i sa bé su o man akunndan tete baa bé ti nun, o man bé yô sa b'o ti'e i su'n.

Rɔmfuɛ Mun 3:11

Bé nun kun sa wu'an sa wle, Bé nun kun sa fe'e i wun manta'an Nyanmien.

Rɔmfuɛ Mun 3:26

Sannge ôle nga é ô ye'n, o klé é wafa ng'o fa bu swran swran kpa'n, afin o klé i wun ke o ti kpa ye o bu bé nga bé lafi Jésus su'n bé swran kpa.

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

1 Korɛntfuɛ Mun 15:34

Anh klô amun nyin yô sa ng'o ti i nuan su'n, nanh an yô sa te kun, afin bé wié'm bé si'a Nyanmien. N ken i so fa gua amun nyin asé.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

2 Tɛsalonikfuɛ Mun 1:8

Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

Hébreu 8:11

Swran fi su klé'e i wiéngu Nin i niaan liké kun, o sé'a bé ke: Anh kô si é Min'n! Afin ke o fin bé kanngan'm bé su lélé fa dyu bé kaklaakla'm bé su'n, Bé kwlaa béh sih min.

1 Jean 1:9

Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 16:5

Ye n ti ange b'o nian nzué'm bé su'n i nen, o sé ke: O bo a ô le, bo a ô le lalaa'n, bo o nzuen'n nin klo swran lie'n ti'a kun'n, nde nga a di ye'n o ti su.