Jean 16:32 - Nyanmien nde Ufle

³² Tyen wié lélé… tyen so'n wa dyu bobo… bo amun kwlaa amunh sanndih ko bé awlô, amunh yatyih n kunngba, sannge o su ka'a n kunngba, afin min nin é SI'n ye é wôo.

NYANMIƐN NDƐ'N 1998

³² Cɛn wie lele, cɛn sɔ'n ɔ'a ju bɔbɔ, amun kwlaa amun ´sanndi kɔ amun awlo, amun ´yaci n kunngba, sanngɛ ɔ su ka-man kunngba, afin min nin e Si'n yɛ e wo-ɔ.

Jean 16:32 ပူးပေါင်းရင်းမြစ်များ

Matthieu 26:31

Ye Jésus sé bé ke: Nde kongue nga amun kwlaa amun ti nun wa satyi min ti, afin bé klee ke: «M ma bô bua tafue'n, ye bua fa so'n béh bôh sanndi.»

Matthieu 26:56

Sannge bé yôô i kwlaa so'n nan nde nga Nyanmien nuan idyofue'm bé kleli'n o kpen su. Ye i sonnzonfue'n kwlaa bé yatyii le bé wanndilio.

Marc 14:27

Jésus séé bé ke: Amun kwlaa amun ti nun wa satyi, afin bé klee ke: «M ma bô bua tafue'n, ye bua'm béh bôh sanndi.»

Marc 14:50

Ye bé kwlaa bé yatyii le bé wanndilio.

Jean 12:23

Jésus sé bé ke: M bo n katyii Swran'n n swran wafa nga n ti'n i nglô yile tyen'n wa dyu.

Jean 16:2

Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Jean 16:25

N kan nde so'n kwlaa kléé amun nyanndra nun, sannge tyen wié lélé n su ke'en nyanndra nun kun, nh kanh é Si i nde wéiin klé amun.

Jean 16:31

Jésus usa bé ke: ?Amuan lafi su sien'n?

Jean 19:27

Ye o sé i sonnzonfue'n kusu ke: O nin'n ye o ô leo. Ke o fin tyen so'n nun'n, i sonnzonfue'n fe i nin'n woo i awlô.

Jean 20:10

Ye bé saa bé sin bé oo bé awlôo.

Jean 4:21

Ye Jésus sé i ke: Mmô, lafi n su, tyen wié lélé nanh ôka nga su wa nin Jérusalem ye amunh kôtôh é Si'n bô amunh menmenh io.

Jean 4:23

Sannge tyen wié lélé — tyen so'n wa dyu bobo — bé bo bé kôtô é Si'n bô bé menmen sakpa'n, béh kôtôh i bô béh menmenh bé akunndan'n nun nanwle su, afin bé nga bé manman é Si'n so'n, bé sofue mun ye o kunnde béo.

Jean 5:25

Nanwle, tyen wié lélé — tyen so'n wa dyu bobo — bo bé nga bé wuli'n béh tih Nyanmien Wa'n i nen. Bé nga bé kô ti'n, béh nyanh nguan.

Jean 5:28

Nanh man nde so'n bô amun nuan, afin tyen wié lélé bé kwlaa nga bé ô ndia'n nun'n, béh tih i nen,

Jean 8:16

Se swran nga an wun ke n ken i wun nde'n, wuun o ti nanwle, afin nanh n ngunmin ye n kan nde so nion, sannge swran ng'o sunmaan min'n o dyin n sin.

Jean 8:29

Swran ng'o sunmaan min'n, o dyin n sin. Wa dyaô'a n sin, afin n yô i klun sa tyen kwlaa.

Sa nga bé yôli'n 21:6

I sin, ke bé yôô é bla nde'n, é kô wluu mméli'n nun, ye bé kusu bé saa bé sion.

Sa nga bé yôli'n 8:1

Lé kunngba so'n ye bé bôô asonunfue'm bo bé ô Jérusalem lo'n bé yale kléle dan'n i bôo. Bé kwlaa bé sanndi oo Judée nin Samarie men'n nun, san bé bo Jésus sunmaan bé'n, bé tye ye bé kaa leo.