Jean 16:11 - Nyanmien nde Ufle

¹¹ Oh kléh bé dyole dile'n i bô, afin Nyanmien a bu swran ng'o sié men nga'n i fo.

NYANMIƐN NDƐ'N 1998

¹¹ Ɔ ´kle be jɔlɛ dilɛ'n i bo, afin Nyanmiɛn a bu sran ng'ɔ sie mɛn nga'n i fɔ.

Jean 16:11 ပူးပေါင်းရင်းမြစ်များ

Matthieu 12:18

«Nian n swran bo n feli i ke o su min'n ye, O ti min awlen su swran, i su ye man fa n wla'n kwlaa a guaa M man n Wawe'n beh i wun. Ye oh bôh dyole dile'n su klé nvlé mun.

Matthieu 12:36

Nh kanh klé amun ke, dyole dile tyen'n nun nde ngben kwlaa bo swran'm bé kannin'n, béh kanh bé su nde.

JÉSUS-CHRIST I DYASIN FE'N BO LUC KLELI'N 10:18

O sé bé ke: N wuun Satan (*f6*) o fin nyanmien su lo ke nyanmien b'o kpa sin'n sa, o toli.

Jean 12:31

Sien'n wa dyu men nga nunfue'm bé dyole difue'n i dyasu fa kole, sien'n bé wa kan swran ng'o sié men nga'n i bô.

Jean 14:30

Min nin amun é su idyo'a kpanngban kun, afin swran ng'o sié men nga'n o su ba. O kwla yô'a n liké fi mlonmlon,

Jean 16:12

Nde kpanngban kpa ô n klun bo n waan nh kanh klé amun, sannge amun ti nian kwla so'en i bô ke é sé ye'n.

Sa nga bé yôli'n 10:42

Ye Jésus kaléé é tyinndyin kpa ke é kan klé swran mun ke, i bobo ye Nyanmien siéli ke o di bé nga bé nyin ô su'n nin bé nga bé wuli'n bé nde nion.

Sa nga bé yôli'n 24:25

Sannge ke Paul su kan nanwle dile'n nin bé wun su nianle'n nin dyole dile b'o wa ba'n bé nde'n, sre kunnin Félix, nan wa sé ke: Nde lie'n ko, se n nyan n tio, tyen ufle n kô fle o.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 16:20

O tye kaan Nyanmien b'o man swran di aladyé'n, o man amunh tiah Satan (*f6*) su, amunh nunkuinh. Man é Min Jésus yô amun yé tititi!

Rɔmfuɛ Mun 2:16

Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

Efɛzfuɛ Mun 2:2

ye amun nzuen'n fa bé nga bé ô ye'n bé lie'n, amun nyin yili nglô lo mmusu'm bé si'n, i ye nde o wlawla swran nga bé nyin yi'a Nyanmien nion.

Kolɔsfuɛ Mun 2:15

Christ i waka so'n ti, o bu mmusu nin kpenngben'm bé kwlale'n i bué, ke o fa bé yii kwlale'n nglô'n, o man bé wun bé wafa nga bé ti'n.

Hébreu 2:14

Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

Hébreu 6:2

bé yô swran'm bé baptême wafawafa'n, bé sié bé sa swran'm bé su, swran'm bé tyen, ye Nyanmien bu ndeo o katyimen'n.

Hébreu 9:27

Bé siéé ke swran wu kpe kunngba, i sin bé fe ko Nyanmien dyasu.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

Sa nglô yile 1:7

Anh nian, o nin nyanmien blé'n bé su ba! Swran'n kwlaa béh wuinh, ye bé nga bé woo i tyua'n, béh wuinh wié. I ti, asie'n su nvlénvlé'n kwlaa béh bôh auyé. Oh yôh so sakpa! Mon o yô so!