Jean 15:4 - Nyanmien nde Ufle

⁴ Ke min nin amun ya yô swran wunmuan'n, man é tran so tititi. Waka sama'n i ngunmin kwla suman, san oh teh i bô'n su, i kunngba'n, amun kusu se amun nin min a yô'a kun'n, an su yô'a liké fi yé.

NYANMIƐN NDƐ'N 1998

⁴ Kɛ min nin amun y'a yo sran wunmuan'n, man e tran sɔ tititi. Waka sama'n i ngunmin kwla su-man, san ɔ ´tɛ i bo'n su, yɛ ɔ ´su-ɔ, i kunngba nin-ɔn, amun kusu sɛ amun nin min a yo-man kun'n, an su yo-man like fi ye.

Jean 15:4 ပူးပေါင်းရင်းမြစ်များ

Matthieu 12:33

Man bé sé ke waka ng'o ti kpa'n o su mma kpakpa, annze man bé sé ke waka ng'o ti'a kpa'n o su'a mma kpakpa, afin ke waka kun ti'n, ye i mma'n tio.

JÉSUS-CHRIST I DYASIN FE'N BO LUC KLELI'N 8:15

Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

Jean 14:20

I tyen so'n nun, amunh wunh i wle ke min nin n Si é ti swran wunmuan, ye min nin amun kusu ya katyi swran wunmuan.

Jean 17:23

Man min nin bé é yô swran wunmuan, ke min nin o é ti swran wunmuan'n sa nan bé katyi swran wunmuan mlonmlon. Mon o yô so nan men nunfue'm bé si ke wo ye a sunmaan mion, ye a klô bé ke a fa klô min'n sa.

Jean 6:56

Swran ng'o di min nnen'n b'o non min mmôdya'n, min nin i ya katyi swran wunmuan, é su ti'a nun.

Jean 8:31

Ye o sé Juif nga bé lafi i su'n bé ke: Se an fa min nde nga n kan'n su kpa'n, wuun an ti n sonnzonfue sakpa.

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

2 Korɛntfuɛ Mun 13:5

Amun bobo anh bu amun klun lo nian se an lafi Christ su sakpa ô. Se an yô i so'n, nan se an wun ke an nu'an bé bo ba lafi'a Christ su'n bé nun wié'n, amunh wunh i wle ke Christ nin amun ye o wôo.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 2:6

I so'n ti, ke an kpliin su ke Christ-Jésus yô amun Min'n, man amun nyôli'n klé ke amun nin i a katyi swran wunmuan,

1 Tɛsalonikfuɛ Mun 3:5

I so'n ti, ke man kwla tra'a min awlen kun'n, n sunmaan Timothée ke o kô nian, se amun te lafi Christ su ô, se wiénuon Lakafue'n wa laka amun man é dyunman'n wa yô ngben ô.

Hébreu 10:39

É lie'n, nanh bé nga bé tyuen bé wun ko sien'n b'o man bé mlin'n bé wié yele é, sannge é ti bé nga bé lafi Nyanmien su bo bé nyan bé ti'n bé wié.

1 Jean 2:6

swran ng'o sé ke o nin Nyanmien ba yô kun'n, mon o yô sa nga Jésus yôli'n bé wié.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.