Jean 15:20 - Nyanmien nde Ufle

²⁰ Anh bu nde nga n kan kléé amun ke: «Swran b'o su swran'n ti'a kpa tre'e i min'n» i akunndan. Se bé kléé n yale'n béh kléh amun yale wié, se bé fa min nde'n su'n, béh fah amun lie'n su wié.

NYANMIƐN NDƐ'N 1998

²⁰ An `bu ndɛ nga n kan kleli amun'n i akunndan. N seli amun kɛ: ‹Sran b'ɔ su sran'n ti-man kpa trɛ-mɛn i min'n›. Sɛ be kleli n yalɛ'n, be ´kle amun yalɛ wie, sɛ be fa min ndɛ'n su'n, be ´fa amun liɛ'n su wie.

Jean 15:20 ပူးပေါင်းရင်းမြစ်များ

Matthieu 10:24

Swran b'o suan liké'n ti'a kpa tra'a swran b'o klé i liké'n, ye swran b'o su swran'n ti'a kpa tre'e i min'n.

Marc 10:39

Bé sé ke: Een, é kwle i yô. Ye o sé bé ke: O ti nanwle ke klôwa nga m ma non nun'n, amunh nonh nun wié, ye baptême nga bé wa yô min'n, béh yôh amun wié,

JÉSUS-CHRIST I DYASIN FE'N BO LUC KLELI'N 2:34

Siméon yraa bé nguan, nan wa sé i nin Marie ke: Nian, ba ng'o ô ye'n, o ô le Israëlfue'm bé sunman bé asé finle nin bé sumanle'n ti. O wa yô ke liké kun bo bé wa ken i wun nde te sa,

JÉSUS-CHRIST I DYASIN FE'N BO LUC KLELI'N 6:40

Swran b'o suan liké'n ti'a dan traman swran b'o klé i liké'n, sannge swran kwlaa b'o wié i liké'n suan'n, o yô ke swran b'o klé i liké'n sa.

Jean 10:31

Juif'm bé faa yebue ékun ke bé fa fiin.

Jean 11:57

Ke oh yôh so'n, wuun Nyanmien nyrun dyranfue dandan nin Pharisifue mun ba di a wla swran mun ke, se swran wié si kan Jésus wô'n, o kan man bé kô tre.

Jean 13:16

Nanwle, swran ng'o su swran'n ti'a kpa tre'e i min'n, ye swran nga bé sunmen'n ti'a kpa tra'a swran ng'o sunmen'n.

Jean 5:16

Sabbat tyen ye Jésus yôô sa so nion, i so'n ti, Juif'm bé sue nganzua.

Jean 7:32

Pharisifue'm (*f4*) bé ti i wun aswré nga swran'm bé tu'n. O man Nyanmien nyrun dyranfue dandan nin Pharisifue'm bé yii sôndya mun ke bé kô tree.

Jean 8:51

Nanwle, swran ng'o fa min nde'n su'n, o wu wa'a mlonmlon.

Jean 8:52

Juif'm bé sé i ke: Sien'n, ya wun i wle kpa ke liké wié su o su. Abraham wuli, Nyanmien nuan idyofue'm bé wuli, sannge o li o waan, swran ng'o fo o nde'n su'n, o su wu'a mlonmlon.

Jean 8:59

I so'n ti, bé isaa yebue ke béh fah fiin, sannge o fin Nyanmien sua dan'n nun le fitéé blelele.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

1 Korɛntfuɛ Mun 4:12

é wun ti kplen, bé bô é, é ti lalasinfue, é di dyunman é fa kpa nan ya nyan é nuan nun alie. Bé kpe é nzôwa, é yi ma'an bé, é bô bé môaé. Bé klé é yale, o son é nun.

2 Korɛntfuɛ Mun 4:9

bé su é su, sannge Nyanmien yatyi'a é, bé te é asé, sannge bé kwla'a é.

1 Tɛsalonikfuɛ Mun 2:15

Juif so mun ye bé kuun é Min Jésus nin Nyanmien nuan idyofue mun, ye bé klé é yale nion. Nyanmien klun dyo'a bé wun, bé kpo swran'n kwlaa.

2 Timote 3:12

Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.